UNTABAN 18:9 - Tanou Moonsoi Timugon

⁹ Intor ra taak-taak ra mapasau kaga', ondo' kalo sinolob giu' ra rasawat ru altar, ondo' gitio noyo rirun no: taak simbalui koson paringkuanangan, taak simbalui koson mangampun ra tula am taak simbalui koson mambayar ra kalubatan. Ngaangai' taak simbalui ondo' pataakon Raki' tayar ru taak mapasau masauk ra longgom muno am anak-anak ungkuyon muno.

UNTABAN 18:9 ပူးပေါင်းရင်းမြစ်များ

2 RAJA'-RAJA' 12:17

Paat raginio Raja' Gajail, raja' ru Siria namulunsar ra bandar Gat am kinala no. Kopongo raginio makaguang io mamulunsar ra Jirusalim.

NIGIMIA 10:36

Ibiton mai anak ungkuyon mai ondo' katuaan ra imam giu' ra Baloi ru Tuhan. Giu' no anak raginio pataakon ri Aki Kapuuno' sumugut ra aturan ru Taurat. Pataakon mai niayuk anak kasaa' ru sapi', anak kasaa' ru kambing kapoam anak kasaa' ru domba.

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

YEHEZKIEL 44:29

Taak simbalui koson paringkuanangan ra Tuhan, taak simbalui koson mangampun ra tula, am taak simbalui koson mambayar ra kalubatan, masauk ra akanon ru imam. Musiti' ilo mangapu ra atan ayuk giu' ra Israil, ondo' pataakon Raki', koson ra tayar nilo.

IMAMAT 10:17

“Kua kia kalo inakan min taak simbalui koson mangampun ra tula no giu' ra intok ondo' matulai? Taak simbalui raginio matulai kaga' am nanaak noyo Tuhan raginio ramuyun maa' raginio ampunon tula ru ulun ru Israil no.

IMAMAT 14:13

Musiti' simbaluyon ru imam anak domba no giu' ra intok mapasau, intok ru ulun manimbalui ra bibiag tayar ru taak simbalui koson mangampun ra tula am taak simbalui koson mapabansuk ra guang ru Tuhan. Musiti' baalon gitio ru imam sabap taak simbalui koson mambayar ra kalubatan am niayuk taak simbalui koson mangampun ra tula no matulai kaga', am masauk ra imam tatangan.

IMAMAT 2:10

Suwo ru taak simbalui no longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 22:11

Kaa' ulipon ondo' binali ra ruit ru imam galama', kapoam ondo' inanak ralalom baloi ru imam, makaakan ra akanon ondo' apuon ru imam.

IMAMAT 22:7

Mokotolop mato ru orou bagu no mapasau io, am makaakan io ra taak simbalui ondo' palilion ayuk no sabap ra ginio noyo akanon nano.

IMAMAT 4:22

Amon ru makatula am makasala sangulun tingganai sabap ra minanggal rondo' ra susuban ru Tuhan ra kalo singonon,

IMAMAT 4:27

Amon ru makatula am makasala sangulun ra mamagun sabap ra manggal rondo' ra susuban ru Tuhan ra kalo singonon,

IMAMAT 5:1

Taak simbalui koson mangampun ra tula gogoton pataakon ra tayar ru baal ragitio: Amon ru sasangulun no napatas noyo kitaakon mangani' ra inono' giu' ra makama, kaa' kalo nangani' ra pambalaan ra ondo' nakito nano noyo kapoam naining nano, am musiti' io mansaan ra kinibit no.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 6:19

Nangani' Tuhan ri Musa aturan ragitio

IMAMAT 6:30

Kaa' amon ru makararaa' ru bibiag no ondo' inumpasan ralalom ru Kim ru Tuhan pinakai boo koson upacara pangampunan ra tula, kual ru bibiag no kalo maakan; bibiag no musiti' solobon.

IMAMAT 7:1

Gitio noyo aturan ra taak simbalui koson mambayar ra kalubatan; taak simbalui ti matulai kaga'.

IMAMAT 7:6

Moonong ungkuyon intor ra sasambaloi ru imam makaakan ra kual ru taak simbalui ragitio, kaa' musiti' nilo akanon ginio giu' ra intok mapasau sabap ra taak simbalui ti matulai kaga'.

IMAMAT 7:7

Aturan ondo' nogondo' masauk ra taak simbalui koson mangampun ra tula am taak simbalui koson mambayar ra kalubatan: Kual ru bibiag no masauk ra longgom ru imam ondo' mapataak ra taak simbalui no.

UNTABAN 18:10

Akau musiti' mangakan ra akanon raginio giu' ra intok ondo' mapasau, am ungkuyon ayuk makaakan raginio; akanon no mapasau.

SAGULION 18:1

“Ngaangai' bansa' ru Liwi, nakaaya' imam-imam kalo iowon mangapu ra tayar ru tana' giu' ra Israil, kaa' makaapu ilo ra santayaran ra taak am taak simbalui ra bokon ondo' pataakon ra Tuhan.