UNTABAN 18:8 - Tanou Moonsoi Timugon

⁸ Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

UNTABAN 18:8 ပူးပေါင်းရင်းမြစ်များ

2 RAJA'-RAJA' 12:16

Ruit ondo' apuon ra tayar ru taak simbalui no koson mambayar ra kalubatan am taak simbalui koson mangampun ra tula kalo pasubolon ra kaban no. Ruit raginio pataakon ra imam-imam.

2 TUNUNG RU BANSA' ISRAIL 31:4

Suai raginio, raja' niayuk nanusub ra mamagun ru Jirusalim mangani' ra taak-taak ondo' inaru' ra tayar ru imam-imam am ulun-ulun ru Liwi, maa' raginio ngaangai' ru guang nilo mangkara' ayuk ra susuban ru Ukum ru Tuhan.

2 TUNUNG RU BANSA' ISRAIL 31:5

Pakatanou ayuk susuban no, nagibit ulun ru Israil ra taak gandum ondo' moonsoi kaga', wain, umau jaitun, ruu' ru maningot am ampos ra tinanom ra bokon. Nagibit ilo niayuk ra sampiopor intor ra atan ayuk longgom nilo.

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

KAINGKUALAN 29:21

Alapon koborok raraa' ondo' rasawat ru altar am koborok umau ru upacara, am patakison ngaangai' no ri Arun am bayang nano, am niayuk ra anak-anak nano am ra bayang nilo. Gitio ralan ra i Arun, anak-anak nano am bayang nilo patimpokon Raki'.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

KAINGKUALAN 29:29

“Bayang ru imam longgom ri Arun musiti' patungkuson ra anak-anak nano ru matoi io, maa' raginio mabayang nilo ginio paat ra patimpokon.

KAINGKUALAN 40:13

Pambayangon i Arun ra bayang ru imam am luitin io ra umau. Ralan ragitio patimpokon io maa' raginio mangandoi io Raki' koson ra imam.

KAINGKUALAN 40:15

Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”

JISAYA 10:27

Amon ru masuku' bulintok no, palabuson Takamin intor ra pangimbalaan ri Asyur, am kalo boo manguasa' io ramuyun.”

IMAMAT 21:10

“Patimpokon noyo Tingganai Maayo Imam ra pinasasar umau upacara ra ulu nano, am pinambayang io ra bayang ru tingganai maayo imam. Ginio ra kalo polosoon no abuk nano masasung, kapoam mamparilak ra bayang nano koson mapakito ra mangulir io.

IMAMAT 23:20

Pataakon boo ru imam ruti' am ruo ngainan anak domba no tayar ru taak lilion ra Tuhan, am taak ti masauk ra imam-imam tatangan. Taak ragitilo matulai.

IMAMAT 6:16

Suwo ru tapung no musiti' baalon ra ruti' kalo latakin ra ragi am akanon ru imam giu' ra intok mapasau, iono giu' ra liliut ru Kim ru Tuhan. Nanaak noyo Tuhan ra imam-imam ra ruti' no koson ra tayar nilo intor ra taak ra akanon. Taak simbalui ti matulai kaga', koson ra taak simbalui koson mangampun ra tula am taak simbalui koson mambayar ra kalubatan.

IMAMAT 6:18

Koson kalo boo lalanggain, moonong ungkuyon ra papag ri Arun makaakan raginio koson ra tayar nilo intor ra akanon ondo' pataakon ra Tuhan. Ulun ra bokon ondo' mangambong ra taak ra akanon mausung sabap ra kaikangan ru kapasawan ru ginio.

IMAMAT 6:20

tayar ru patimpokon ra imam papag ri Arun. Paat ra orou ru sangulun imam patimpokon, musiti' io mapataak ra sakilogram tapung ondo' moonsoi kaga' (nogondo' suang no ra taak simbalui koson paringkuanangan, ondo' pataakon moonong orou) ra Tuhan, sampiruo no tampilon ra susuab ti am sampiruo no tampilon ra mai' ti.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 7:14

Musiti' io mapataak ra santayaran intor ra moonong salinut ru ruti' no koson ra taak lilion ra Tuhan; ngaangai' ti masauk ra longgom ru imam ondo' mangalap ra raraa' ru bibiag no, am pawason no boo ginio ra altar.

IMAMAT 7:28

Nanaak Tuhan ri Musa ra aturan ragitilo

IMAMAT 7:6

Moonong ungkuyon intor ra sasambaloi ru imam makaakan ra kual ru taak simbalui ragitio, kaa' musiti' nilo akanon ginio giu' ra intok mapasau sabap ra taak simbalui ti matulai kaga'.

IMAMAT 8:30

Alap i Musa sanganu umau upacara am niayuk sanganu raraa' ondo' giu' ra rasawat altar, am patakiso' no ginio ri Arun am anak-anak nano am niayuk ra bayang nilo. Gitio noyo ralan ri Musa mambaal ra patimpokon risilo am niayuk bayang nilono ra Tuhan.

UNTABAN 18:9

Intor ra taak-taak ra mapasau kaga', ondo' kalo sinolob giu' ra rasawat ru altar, ondo' gitio noyo rirun no: taak simbalui koson paringkuanangan, taak simbalui koson mangampun ra tula am taak simbalui koson mambayar ra kalubatan. Ngaangai' taak simbalui ondo' pataakon Raki' tayar ru taak mapasau masauk ra longgom muno am anak-anak ungkuyon muno.

UNTABAN 5:9

Koson niayuk ra moonong indangan luntukon ondo' pataakon ru ulun ru Israil ra Tuhan; indangan no masauk ra imam ondo' mangapu no tatangan.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:6

Giu' ra intok no akau musiti' mampataak ra taak simbalui koson mapabansuk ra guang ru Tuhan, am taak simbalui ra bokon, sampiopor am taak ra bokon, taak ondo' binantu' min ra Tuhan, taak ondo' pataakon ayuk toojo, am niayuk anak katuaan ru sapi', am niayuk anak katuaan ru domba min.

SAGULION 18:1

“Ngaangai' bansa' ru Liwi, nakaaya' imam-imam kalo iowon mangapu ra tayar ru tana' giu' ra Israil, kaa' makaapu ilo ra santayaran ra taak am taak simbalui ra bokon ondo' pataakon ra Tuhan.

SAGULION 26:13

indagu noyo ra Tuhan, ‘Kalo sanganu pana ra sampiopor ondo' musiti' pataakon Rirun natatang ra baloi kuno. Tinaakan ku noyo ngaangai' no ra ulun ru Liwi, ulun bansa' ru bokon, anak nailusan ra matuo am napuor, koson ra nanusuban Muno raki'. Kalo mansang kapoam mampalilian aku ra atan pana nanusuban Muno intor ra taak sampiopor.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.