UNTABAN 18:5 - Tanou Moonsoi Timugon

⁵ Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 18:5 ပူးပေါင်းရင်းမြစ်များ

1 TUNUNG RU BANSA' ISRAIL 23:24

Ginilo noyo inggalan ru papag ri Liwi ondo' tinulisan sumugut ra inggalan ru tingganai ru bansa' am sasambaloi ru sigagama'. Umur nilo ruo ngoopor ngambilor am nasailan am nokoowot ra kandoi giu' ra Baloi ru Tuhan.

1 TUNUNG RU BANSA' ISRAIL 23:32

Pinangandoi ilo niayuk koson magalung ra Kim ru Tuhan am Baloi ru Tuhan, am niayuk mangindangan ra pabukat-pabukat nilo, iono imam-imam papag ri Arun, ralalom ru panalingapuan ra sambayang giu' ra intok no.

1 TUNUNG RU BANSA' ISRAIL 24:5

Sabap ra gino ngai' ru papag ri Iliajar am i Itamar mokoondo' ondo' nasauk ra pagawai-pagawai giu' ra Baloi ru Tuhan am tingganai-tingganai ru ugama, pantayaran ra kandoi pinaugar ra nagugundi'.

1 TUNUNG RU BANSA' ISRAIL 9:19

I Salum anak ri Kori, akupu ri Ibiasap, mababaya' ra kukula' ngaulun ra bokon intor ra bansa' ru Kora, iono bansa' nano, pinangandoi koson magalung ra kulobon mumpos ra Kim ru Tuhan. Ragili kinamatuaan nilo pana nambaal ra kandoi no paat ilo nangandoi giu' ra pangkiman ru Tuhan.

1 TUNUNG RU BANSA' ISRAIL 9:23

Intor raginio ilo am papag nilo linayun nasauk ra ulun magalung ra kulobon garabang ru Baloi ru Tuhan.

1 TUNUNG RU BANSA' ISRAIL 9:33

Kukula' ngambaloi intor ra ulun ru Liwi nangandoi koson ra maririmbai giu' ra Baloi ru Tuhan. Tingganai-tingganai ru sasambaloi nilo minayan giu' ra kukula' baloi giu' ra Baloi ru Tuhan. Kalo inanian ilo ra kandoi ra bokon sabap mangandoi ilo paat ra matawang am rondom.

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

YEHEZKIEL 44:16

Ilo ayuk iowon sumubol ra ralalom ru Baloi Kuno, mangandoi giu' ra altar Kuno, am maningganai ra sambayang ra giu' no.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

IMAMAT 24:3

Moonong rondom musiti' i Arun mansikit ra lampung no am polosoon ginio mapaang saboi ra susuab ti. Musiti' lampung no pabantaan giu' ra saang ru Tuhan, giu' ra liwar ru tabir ondo' giu' ra saang ru Kaban Nabantuan giu' ra Lamin Matulai Kaga'. Musiti' susuban ragitio gagayaan ra sabubuoi no.

JAKARIA 10:3

Indagu Tuhan, “Sumangit Aku ra ulun bansa' ra bokon ondo' mamarinta ra ulun Kuno. Ukumin Ku ilo. Mamagun ru Jiuda longgom Kuno, am Aku, Tuhan Ondo' Maayo Kaga' Kuasa' magalung risilo. Masauk ilo ra kuda ru mangayou Kuno ondo' maikang.

UNTABAN 1:50

Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 16:46

am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

UNTABAN 18:4

Musiti' ilo mangandoi mababaya' ramuyun am mapaugar ra kandoi ondo' makakulawit ra ngaangai' kandoi giu' ra Kim Kuno, kaa' ulun ondo' kalo inanian ra kuasa' mambaal ra kandoi no inggalarin mangandoi mababaya' ramuyun.

UNTABAN 4:18

“Pai' polosoo' bansa' ru Kigat matoi

UNTABAN 8:19

Ulun ru Liwi pataakon Ku ri Arun am anak-anak ungkuyon nano tayar ru taak intor ra ulun ru Israil, maa' raginio ulun ru Liwi makapangandoi ra tayar ru ulun ru Israil giu' ra Kim Kuno. Makiampun ulun ru Liwi niayuk intor Raki' ra tayar ru ulun ru Israil maa' raginio ulun raginio kalo malumpa' ra karaat amon ru matong ilo mamaar kaga' ra Lamin Matulai.”

UNTABAN 8:2

“Balai' i Arun ra paat io mapabanta' ra tulu' lampung ra tampakan ra lampung, sinda ru lampung-lampung no musiti' matampulau giu' ra tayar saang ru tampakan ra lampung.”

1 TIMOTIUS 1:18

Timotius ondo' pinakaanak kuno, kandoi ragitio palansanon ku rirun: Anggalo' ilo ondo' maabau-abau ra okou mampabala' ra Tanou Moonsoi, maya' ra bilin ru nabi rirun ragili.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.