UNTABAN 18:4 - Tanou Moonsoi Timugon

⁴ Musiti' ilo mangandoi mababaya' ramuyun am mapaugar ra kandoi ondo' makakulawit ra ngaangai' kandoi giu' ra Kim Kuno, kaa' ulun ondo' kalo inanian ra kuasa' mambaal ra kandoi no inggalarin mangandoi mababaya' ramuyun.

UNTABAN 18:4 ပူးပေါင်းရင်းမြစ်များ

YEHEZKIEL 44:14

Raino pongondoyon Ku ilo mambaal ra kandoi ondo' musiti' paugaron giu' ra Baloi Kuno.”

UNTABAN 1:51

Paat akau mapabanding ra pangkiman, ulun-ulun ru Liwi musiti' maparulun ra Kim Kuno, am mapatirong raginio saguli' giu' ra intok bagu. Suai ra ulun ru Liwi, osoi ayuk minggaar ra Kim Kuno musiti' ukumin ra matoi.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 18:3

Ulun ru Liwi musiti' mambaal ra kandoi toojo nilono ramuyun am mapaugar ra kandoi nilono giu' ra Kim Kuno, kaa' kalo makainggaar ra altar kapoam mangambong ra kuliamos-kuliamos matulai giu' ralalom ru Lamin Matulai. Amon ru manggal ilo ra aturan raginio, ilo am niayuk akau matoi.

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 3:10

Saukon noyo i Arun am anak-anak nano mapaugar ra kandoi ru imam. Ulun ra bokon ondo' kuminam mapaugar ra kandoi ru imam musiti' ukumin ra matoi.”

UNTABAN 31:30

Intor ra tayar ondo' pinataak ra ulun ru Israil ra bokon, alapo' sangulun rinakop intor ra moonong 50 ngaulun rinakop. Koson niayuk ra sapi', kaladai, domba am kambing. Pataako' noyo ngaangai' no ra ulun ru Liwi ondo' manalingapu ra Kim Kuno.”

UNTABAN 8:26

Mopongo raginio makapangindangan io ra gino po ngai' ulun ru Liwi ondo' mangandoi giu' ra Kim Kuno, kaa' kolondo' boo kandoi magulayun nano. Ginio noyo ralan muno manampos ra kandoi ru ulun ru Liwi.”

1 SAMUIL 6:19

Namatoi Tuhan ra tulu' ngoopor ngaulun mamagun ru Bit-Simis sabap ra inilayan nilo ralalom ru Kaban Nabantuan no. Ginio ra nangulir mamagun ru bandar no sabap ra linumpa' ilo ru Tuhan ra baal makalalaa' kaga'.