UNTABAN 18:21 - Tanou Moonsoi Timugon

²¹ Indagu Tuhan, “Ngaangai' sampiopor ondo' pataakon ru ulun ru Israil Raki' pataakon Ku ra ulun ru Liwi. Ginio noyo bayaran ru kandoi nilo giu' ra Kim Kuno.

UNTABAN 18:21 ပူးပေါင်းရင်းမြစ်များ

KASAUKAN 14:20

Koompor noyo i Aki Kapuuno' Ondo' Masawat Kaga' no, ondo' nanaak rirun ra kamanangan intor ra pantula'-pantula' muno.” Tayari' boo ri Abram i Milkisidik sampiopor intor ra ngaangai' kuliamos ra inalap am inibit nali saguli'.

KASAUKAN 47:24

Paat ra mangkumos pataaki' min sampilimo intor ra ampos no ra raja'. Suwo no alapon min ra sampug am akanon min am sasambaloi mino.”

KASAUKAN 47:26

Ginio ra pambaal i Jusup ra ukum ru tana' ru Misir, iono sampilimo intor ra ampos ru umo nilono musiti' raja' ra ampu'. Saboi raino ukum no lakat ayuk poyo paugaron. Tana' ru imam-imam ayuk sala' ka raja' ra ampu'.

2 TUNUNG RU BANSA' ISRAIL 31:12

am nambuli ra ngaangai' taak am sampiopor giu' ra ralalom ru intok-intok pambulian no. Nampili' ilo ra sangulun Liwi ininggalanan ri Konanya koson manalingapu ra kuliamos no, am boborok nano, i Simii koson mangindangan riso.

NIGIMIA 10:29

minaya' ra tingganai-tingganai mai am nagibot ra maayag akai sumugut ra ukum ri Aki Kapuuno' ondo' tinaakan Nano ondo' pinabala' galing ri Musa. Magibot akai koson gumagaya' ra ngaangai' susuban ondo' tinaakan ramon ru Tuhan, iono Tuhan mai; nagibot akai koson gumagaya' ra ngaangai' ukum am aturan Nano.

NIGIMIA 10:37

Ibiton mai tapung ondo' makata' ondo' binaal intor ra unor-unor ondo' kasaa' kinumos ra moonong bilor, am niayuk taak ra bokon ondo' ginio am wain, umau jaitun, am niayuk ngaangai' salinut ru kikinawa'. Ngaangai' no taakin mai ra imam-imam ondo' giu' ra Baloi ru Tuhan. Aniin mai sampiopor ra ramon no ra ulun ru Liwi ondo' mangumung ra taak sampiopor giu' ra intok-intok pagitanaman no, iono sampiopor intor ra ampos ru tatanom ondo' tumuu' giu' ra umo mai.

NIGIMIA 10:38

Sangulun imam papag ri Arun musiti' mabaya' ra ulun ru Liwi bulintok taak sampiopor no umungon. Ulun ru Liwi musiti' mambuli sampiopor intor ra ngaangai' taak sampiopor no giu' ra ralalom ru intok-intok pambulian ra ulaan giu' ra Baloi ru Tuhan.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

NIGIMIA 12:47

Bulintok ri Jirubabil am niayuk bulintok ri Nigimia, ngaangai' mamagun ru Israil nampataak ra taak moonong orou koson ra kaukapan ru pakuan moonong orou ru ulun-ulun maririmbai am ulun-ulun magalung ra Baloi ru Tuhan. Mamagun nampataak ra taak ondo' luntukon ra ulun ru Liwi, am ulun ru Liwi boo mangani' ra tayar ondo' paluntukon ra imam-imam.

NIGIMIA 13:12

Ngaangai' mamagun ru Israil pana nagibit boo saguli' ra taak sampiopor unor-unor, wain am umau jaitun ra Baloi ru Tuhan.

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

MALIAKI 2:4

Koson raginio ra akau makapandai ra Aku nangani' ramuyun ra susuban ti maa' raginio nabantuan Kuno am imam-imam, papag ri Liwi kalo masulang.

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

UNTABAN 18:6

Sotopot no, Aku noyo nampili' ra pabukat-pabukat muno ulun ru Liwi ra gino ngai' ru ulun ru Israil, maa' raginio masauk ilo ra taak rirun. Patimpokon ilo noyo Raki' maa' raginio makapambaal ilo ra kandoi giu' ra Kim Kuno.

UNTABAN 3:6

“Susubo' bansa' ru Liwi matong ra saang, am saukon ilo ra mangindangan ri Arun, imam no.

UNTABAN 31:28

Intor ra tayar ondo' tinaakan ra saujor, alapo' noyo sangulun rinakop intor ra moonong 500 ngaulun rinakop, am pataako' noyo ilo Raki', Tuhan, koson ra taak indangan ra luntukon. Baalo' koson raginio niayuk ra sapi', kaladai, domba am kambing.

GALATIA 6:6

Moonsoi niayuk ru ulun ondo' ilaan ra pangintapatan ru Kristian, mantayar ra atan ayuk mokoondo' riso no ra mangingila' nano.

SAGULION 18:8

Io musiti' aniin ra akanon koson ra suang ru maapu ru imam-imam ra bokon, am io iowon mambuli ra atan ayuk ondo' atarin ru sasambaloi nano.”

IBRANI 7:5

Maya' ra Ukum ri Musa, imam-imam ru papag Liwi mangapu ra mopor piatus intor ra ampos ru kandoi ru ulun ru Israil, ioginio bansa' nilo galama', kabalu' pana mogondo' ilo ra papag ri Abragam.