UNTABAN 18:20 - Tanou Moonsoi Timugon

²⁰ Indagu Tuhan ri Arun, “Kalo makaalap kou ra atan pana rapu' koson ra tungkuson. Kolondo' tayar ru tana' giu' ra Israil masauk ra longgom muno. Aku Tuhan noyo tungkuson muno.”

UNTABAN 18:20 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

MAZMUR 142:5

Ilain ku pangkiing kuno, kolondo' sangulun pana makapangindangan raki'; kolondo' sangulun pana makapanindung raki'. Kolondo' sangulun pana mampalio raki'.

MAZMUR 16:5

Iou Tuhan, Okou ayuk longgom kuno, Okou manaak raki' ra atan ayuk pana kasagaan kuno; painawo kuno ginonggom Mu.

MAZMUR 73:26

Iou pana salibuor kuno malawo, Okou noyo kaikangan kuno, iou Aki Kapuuno'; Okou ayuk longgom kuno ra sabuoi-buoi no.

SULABOI 3:24

Tuhan ayuk soroi raki', ginio ra malansan aku Riso.

YEHEZKIEL 44:28

“Imam-imam no musiti' mangapu ra kandoi no koson ra tayar nilo intor ra atan ondo' tinaakan Kuno ra Israil tungkus-manungkus. Kalo iowon ilo mompolonggom ra pinatungkus giu' ra Israil; Aku noyo pinatungkus risilo.

UNTABAN 18:7

Kaa' okou am anak-anak ungkuyon muno ayuk pambaalon ra ngaangai' kandoi toojo ru imam ondo' makakulawit ra altar am atan pana ondo' giu' ralalom ru Lamin Matulai Kaga'. Ngaangai' baal raginio pinakandayan rirun, sabap ra nanaak Aku noyo rirun ra kandoi ru imam. Osoi ayuk ondo' kolondo' kuasa' mapaugar ra kandoi raginio ukumin ra matoi paat minggaar ra kuliamos-kuliamos mapasau.”

UNTABAN 26:62

Ungkuyon intor ra bansa' ru Liwi ondo' umur no nasailan sansila' suang no 23,000 ngaulun. Pinarijisto ilo nansuai ra ulun ru Israil ra bokon sabap kalo makaalap ilo ra tana' tungkus giu' ra tana' Israil.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 14:27

“Pai' liliani' ulun ru Liwi ondo' minayan giu' ra bandar-bandar mino; kolondo' rapu' nilo.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

JOSUA 13:33

Kaa' kalo nanaak i Musa ra tayar ru tana' ra ati pana ra bansa' ru Liwi. Nambala' i Musa risilo ra tayar nilo iono intor ra taak-taak simbalui ondo' pataakon ra Tuhan i Aki Kapuuno' ru Israil.

JOSUA 14:3

I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.

JOSUA 18:7

Kaa' bansa' ru Liwi kalo makaalap ra tayar ru tana' mabaya' ramuyun, sabap tayar nilo iono mangandoi ra Tuhan koson ra imam. Bansa' ru Gad, Rubin am Manasi Sirangon nakaalap noyo ra tana' giu' ra tampilon sirangon ru Sungoi Jordan, ondo' tinaakan ri Musa, ulipon ru Tuhan risilo.”

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.