UNTABAN 18:2 - Tanou Moonsoi Timugon

² Susubo' pabukat-pabukat muno, iono bansa' ru Liwi, mangandoi mababaya' ramuyun am mangindangan ramuyun paat ra okou am anak-anak ungkuyon muno mangandoi giu' ra Kim Kuno.

UNTABAN 18:2 ပူးပေါင်းရင်းမြစ်များ

KASAUKAN 29:34

Kaapang poyo i Liya am paganak poyo sangulun anak ungkuyon. Kono, “Raino, maaru' ralaki kuno lumampit toojo raki' sabap talu noyo anak ungkuyon inanak kutu.” Inggalani' no boo anak raginio i Liwi.

2 TUNUNG RU BANSA' ISRAIL 30:16

Minigor ilo ra intok ru sigagama' giu' ra Baloi ru Tuhan sumugut ra aturan ra ralalom ru Ukum ri Musa, ulipon ri Aki Kapuuno'. Nangani' ulun ru Liwi ra raraa' ru bibiag ra imam-imam koson patakison ra rasawat ru altar.

YEHEZKIEL 44:11

Iowon ilo mangandoi ra Baloi Kuno am magalung ra kulobon garabang am mambaal ra kandoi giu' ra ralalom Baloi Kuno. Iowon ilo manimbalui ra bibiag ondo' pataakon koson ra taak simbalui koson mapabansuk ra guang Kuno, am koson ra taak intor ra ulun, am musiti' ilo masalok mangindangan ra ulun.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

MALIAKI 2:4

Koson raginio ra akau makapandai ra Aku nangani' ramuyun ra susuban ti maa' raginio nabantuan Kuno am imam-imam, papag ri Liwi kalo masulang.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 16:40

Taub no nasauk ra papakaraan ra ulun ru Israil ra kolondo' sangulun pana ondo' ayuk am papag ri Arun makainggaar ra altar monolob ra kaminyan ra Tuhan. Ulun ondo' manggal ra aturan no matoi koson ri Kora am ngaangai' maamaya' nano. Ngaangai' no binaal sumugut ra susuban ru Tuhan ri Iliajar ra pinasaboi galing ri Musa.

UNTABAN 17:7

Kopongo raginio pinabanta' ri Musa ngaangai' jujuga' no giu' ralalom Kim ru Tuhan, giu' ra saang ru Kaban Nabantuan.

UNTABAN 18:4

Musiti' ilo mangandoi mababaya' ramuyun am mapaugar ra kandoi ondo' makakulawit ra ngaangai' kandoi giu' ra Kim Kuno, kaa' ulun ondo' kalo inanian ra kuasa' mambaal ra kandoi no inggalarin mangandoi mababaya' ramuyun.

UNTABAN 3:5

Indagu Tuhan ri Musa,

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 8:19

Ulun ru Liwi pataakon Ku ri Arun am anak-anak ungkuyon nano tayar ru taak intor ra ulun ru Israil, maa' raginio ulun ru Liwi makapangandoi ra tayar ru ulun ru Israil giu' ra Kim Kuno. Makiampun ulun ru Liwi niayuk intor Raki' ra tayar ru ulun ru Israil maa' raginio ulun raginio kalo malumpa' ra karaat amon ru matong ilo mamaar kaga' ra Lamin Matulai.”

UNTABAN 8:22

Nambaal ulun ru Israil ra ngaangai' nanusuban ru Tuhan ri Musa intor ra ulun ru Liwi. Koon raginio noyo ulun ru Liwi maaya' mangandoi giu' ra Kim ru Tuhan ra tiningganai ri Arun am anak-anak ungkuyon nano.

IBRANI 9:6

Nakatampos noyo ngaangai' ti. Moonong orou mumpos imam-imam ra lamin ra saang ru kim no koson mampaugar ra kandoi nilono.