UNTABAN 18:11 - Tanou Moonsoi Timugon

¹¹ Suai raginio, ngaangai' indangan luntukon ra bokon ondo' pinataak ru ulun ru Israil Raki' masauk ra okou tatangan. Pataakon Ku ngaangai' no rirun, anak-anak muno ungkuyon am ruandu'. Aturan ragitio masauk sabuoi-buoi no. Moonong sasambaloi muno ondo' kalo najamalan makaakan raginio.

UNTABAN 18:11 ပူးပေါင်းရင်းမြစ်များ

IMAMAT 10:14

Kaa' okou am anak-anak muno, ungkuyon am ruandu' makaakan ra kubab ondo' pinataak koson ra taak lilion am niayuk paa ru bibiag ondo' pataakon koson ra taak lilion, sabap ra ngaangai' no longgom ru imam-imam. Maakan min ginio ra ati ayuk intok ondo' kalo majamol. Taak ti iono tayar intor ra taak simbalui koson makibarakat ra Tuhan, ondo' pataakon ru ulun ru Israil. Pinataak noyo taak no rirun am anak-anak muno koson ra longgom min.

IMAMAT 7:14

Musiti' io mapataak ra santayaran intor ra moonong salinut ru ruti' no koson ra taak lilion ra Tuhan; ngaangai' ti masauk ra longgom ru imam ondo' mangalap ra raraa' ru bibiag no, am pawason no boo ginio ra altar.

UNTABAN 18:1

Indagu Tuhan ri Arun, “Okou, anak-anak ungkuyon muno am ulun-ulun ru Liwi musiti' mansaan ra kinibit ru kasalaan ondo' nasauk, ondo' makakulawit ra kandoi giu' ra Kim Kuno. Kaa' okou am anak-anak ungkuyon muno ayuk ondo' mansaan ra kasalaan ondo' makakulawit ra kandoi ru imam.

UNTABAN 18:10

Akau musiti' mangakan ra akanon raginio giu' ra intok ondo' mapasau, am ungkuyon ayuk makaakan raginio; akanon no mapasau.

UNTABAN 18:19

Ngaangai' indangan luntukon ondo' pataakon ru ulun ru Israil Raki', pataakon Ku rirun, anak-anak muno ra ungkuyon am ruandu' ra sabuoi-buoi no. Nabantuan ti kalo maalap kasulang; binaal Ku noyo ginio rirun am papag muno.”

UNTABAN 18:8

Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

SAGULION 18:3

“Paat ra pataakon sapi' kapoam domba koson ra taak simbalui, am tampilon ra limbawo, bungul ru salura am tinai' ru bibiag no musiti' pataakon ra imam.