UNTABAN 18:10 - Tanou Moonsoi Timugon

¹⁰ Akau musiti' mangakan ra akanon raginio giu' ra intok ondo' mapasau, am ungkuyon ayuk makaakan raginio; akanon no mapasau.

UNTABAN 18:10 ပူးပေါင်းရင်းမြစ်များ

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

IMAMAT 10:13

Akano' ruti' no giu' ra intok ondo' matulai. Ruti' ti intor ra akanon ondo' pinataak noyo ra Tuhan; ruti' ti tayar muno am anak-anak ungkuyon muno. Gitio noyo ondo' nanusuban ru Tuhan raki'.

IMAMAT 10:17

“Kua kia kalo inakan min taak simbalui koson mangampun ra tula no giu' ra intok ondo' matulai? Taak simbalui raginio matulai kaga' am nanaak noyo Tuhan raginio ramuyun maa' raginio ampunon tula ru ulun ru Israil no.

IMAMAT 14:13

Musiti' simbaluyon ru imam anak domba no giu' ra intok mapasau, intok ru ulun manimbalui ra bibiag tayar ru taak simbalui koson mangampun ra tula am taak simbalui koson mapabansuk ra guang ru Tuhan. Musiti' baalon gitio ru imam sabap taak simbalui koson mambayar ra kalubatan am niayuk taak simbalui koson mangampun ra tula no matulai kaga', am masauk ra imam tatangan.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 6:16

Suwo ru tapung no musiti' baalon ra ruti' kalo latakin ra ragi am akanon ru imam giu' ra intok mapasau, iono giu' ra liliut ru Kim ru Tuhan. Nanaak noyo Tuhan ra imam-imam ra ruti' no koson ra tayar nilo intor ra taak ra akanon. Taak simbalui ti matulai kaga', koson ra taak simbalui koson mangampun ra tula am taak simbalui koson mambayar ra kalubatan.

IMAMAT 6:18

Koson kalo boo lalanggain, moonong ungkuyon ra papag ri Arun makaakan raginio koson ra tayar nilo intor ra akanon ondo' pataakon ra Tuhan. Ulun ra bokon ondo' mangambong ra taak ra akanon mausung sabap ra kaikangan ru kapasawan ru ginio.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 6:29

Moonong ungkuyon intor ra sasambaloi ru imam paakanon ra taak simbalui ti; taak simbalui ti matulai kaga'.

IMAMAT 7:6

Moonong ungkuyon intor ra sasambaloi ru imam makaakan ra kual ru taak simbalui ragitio, kaa' musiti' nilo akanon ginio giu' ra intok mapasau sabap ra taak simbalui ti matulai kaga'.

UNTABAN 18:11

Suai raginio, ngaangai' indangan luntukon ra bokon ondo' pinataak ru ulun ru Israil Raki' masauk ra okou tatangan. Pataakon Ku ngaangai' no rirun, anak-anak muno ungkuyon am ruandu'. Aturan ragitio masauk sabuoi-buoi no. Moonong sasambaloi muno ondo' kalo najamalan makaakan raginio.

UNTABAN 18:9

Intor ra taak-taak ra mapasau kaga', ondo' kalo sinolob giu' ra rasawat ru altar, ondo' gitio noyo rirun no: taak simbalui koson paringkuanangan, taak simbalui koson mangampun ra tula am taak simbalui koson mambayar ra kalubatan. Ngaangai' taak simbalui ondo' pataakon Raki' tayar ru taak mapasau masauk ra longgom muno am anak-anak ungkuyon muno.