UNTABAN 17:8 - Tanou Moonsoi Timugon

⁸ Suabon raginio, paat ri Musa mumpos ra ralalom Kim ru Tuhan, nakito no ra jujuga' ri Arun, jujuga' ondo' nanguakil ra bansa' ru Liwi, nanalantar noyo. Jujuga' no makapumput noyo, makabusak am makaampos kukula' kawa' ru badam ondo' matuo.

UNTABAN 17:8 ပူးပေါင်းရင်းမြစ်များ

KASAUKAN 40:10

Puun i mokoondo' talu raan. Bagu ayuk poyo nananraun, minungkalar noyo busak i am kaansak noyo kawa' ru anggur i.

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

RIMBAI PANGAMPARAN 2:3

Koson ra puun ru ipol ondo' nakapangkilolot timinuu' giu' ra kataunan, koon raginio noyo kalumpusan kuno ra gino ngai' ungkuyon. Masaga' aku sumindung ra saau nano, kawa' nano maamis ra akanon.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

UNTABAN 16:5

Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.

UNTABAN 17:5

Jujuga' ru ulun ondo' pinili' Kuno manalantar. Koson raginio noyo Aku mopolonggo' ra butok ru ulun ru Israil rirun ondo' kalo mapuputat.”

UNTABAN 17:9

Nangalap i Musa ra ngaangai' jujuga' no am napakito ra ulun ru Israil. Nakakito ilo noyo ra atan nasauk noyo, am moonong tingganai nangalap ra jujuga' ru sigagama'.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.