Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.
Tampilon ra susuab ti makakito kau ra sinda ru katulayan ru Tuhan. Naining No noyo butok min Riso; iou, Riso, sabap ra mapaugar akai ayuk ra susuban Nano.”
Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.
Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.
Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.
Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.
Solobon nilo baloi-baloi muno am mompoloso ra ruandu'-ruandu' makakito ra okou ukumin. Langgain Ku binaal muno ra mantalan ra inan no. Kalo boo mangani' Kou ra tangguang ra kubayau-kubayau muno.
Langgain Ku guang malaai muno am kandoi mantalan ra inan ondo' binaal muno intor kou poyo giu' ra Misir. Kalo boo makakito kou ra sinungkalalaing kapoam mangkara' ra Misir.”
Paat akau mapabanding ra pangkiman, ulun-ulun ru Liwi musiti' maparulun ra Kim Kuno, am mapatirong raginio saguli' giu' ra intok bagu. Suai ra ulun ru Liwi, osoi ayuk minggaar ra Kim Kuno musiti' ukumin ra matoi.
Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.
Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.
Ginio ra nambala' i Musa ra ulun ru Israil ra baal raginio. Moonong tingganai nilo pana manaak ri Musa ra rondo' jujuga', iono rondo' intor ra moonong bansa'. Ngaangai' no mopor am ruo ngantaun, makaaya' jujuga' ri Arun.
Suabon raginio, paat ri Musa mumpos ra ralalom Kim ru Tuhan, nakito no ra jujuga' ri Arun, jujuga' ondo' nanguakil ra bansa' ru Liwi, nanalantar noyo. Jujuga' no makapumput noyo, makabusak am makaampos kukula' kawa' ru badam ondo' matuo.