UNTABAN 17:3 - Tanou Moonsoi Timugon

³ am tulisi' inggalan ri Arun ra jujuga' ondo' nanguakil ra bansa' ru Liwi. Moonong tingganai ru bansa' musiti' mokoondo' rondo' jujuga'.

UNTABAN 17:3 ပူးပေါင်းရင်းမြစ်များ

KAINGKUALAN 6:16

I Liwi makaanak ungkuyon talu ngaulun: I Girson, Kigat am i Mirari. Ilo noyo kinamatuaan ru bansa'-bansa' ra bala ri Liwi. Naayag i Liwi buoi 137 ngambilor.

KAINGKUALAN 6:20

I Amram nagandu' ri Jokgibid, boborok ruandu' ru ama' nano; anak nilo iono i Arun am i Musa. Naayag i Amram buoi 137 ngambilor.

JIRIMIA 42:20

ra akau ngaangai' tatanga' mambaal ra kasalaan maayo. Makitaak kau raki' makiasi' ra Tuhan, i Aki Kapuuno' takau, am nambantu' kau koson gumagaya' ra moonong susuban Nano.

YEHEZKIEL 37:16

“Okou ulun mapandai matoi, alapo' rondo' tataun am tulisi', ‘Pamarintaan ru Jiuda’. Alapo' boo rondo' tataun poyo am tulisi', ‘Pamarintaan ru Israil’.

UNTABAN 17:2

“Susubo' ulun ru Israil manaak rirun mopor am ruo ngantaun jujuga'; jujuga' no musiti' pataakon ru moonong tingganai ru bansa'. Tulisi' inggalan ru moonong tingganai ra jujuga' no,

UNTABAN 17:4

Ibito' jujuga'-jujuga' no giu' ra ralalom Kim Kuno, am pabantaa' ngaangai' no giu' ra saang ru Kaban Nabantuan, intok Kuno muma' ramuyun.

UNTABAN 18:1

Indagu Tuhan ri Arun, “Okou, anak-anak ungkuyon muno am ulun-ulun ru Liwi musiti' mansaan ra kinibit ru kasalaan ondo' nasauk, ondo' makakulawit ra kandoi giu' ra Kim Kuno. Kaa' okou am anak-anak ungkuyon muno ayuk ondo' mansaan ra kasalaan ondo' makakulawit ra kandoi ru imam.

UNTABAN 18:7

Kaa' okou am anak-anak ungkuyon muno ayuk pambaalon ra ngaangai' kandoi toojo ru imam ondo' makakulawit ra altar am atan pana ondo' giu' ralalom ru Lamin Matulai Kaga'. Ngaangai' baal raginio pinakandayan rirun, sabap ra nanaak Aku noyo rirun ra kandoi ru imam. Osoi ayuk ondo' kolondo' kuasa' mapaugar ra kandoi raginio ukumin ra matoi paat minggaar ra kuliamos-kuliamos mapasau.”

UNTABAN 26:10

Paat ragili nalapak tana' am nonolon risilo. Minatoi ilo nababaya' ri Kora am maamaya' nano, paat ra apui namuso ra 250 ngaulun ungkuyon, am kasaukan raginio nasauk ra papakaraan ra ulun ru Israil.