UNTABAN 16:5 - Tanou Moonsoi Timugon

⁵ Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.

UNTABAN 16:5 ပူးပေါင်းရင်းမြစ်များ

MAZMUR 105:26

Io pana nanusub ri Musa, ulipon Nano, am i Arun, ulun ondo' pinili' Nano.

MAZMUR 115:10

Pangintopot no ra Tuhan, akau imam ri Aki Kapuuno'. Io no mangindangan am manindung ramuyun.

MAZMUR 65:4

sabap ra makatula ilo. Kara' mai tula mai maagat kaga', kaa' inampun Mu tula mai.

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

KAINGKUALAN 28:41

Pabayangon bayang raginio ri Arun am anak-anak nano. Patimpokon am palilion ilo boo Raki' ra mangumau risilo ra umau jaitun, maa' raginio mangandoi ayuk Raki' koson ra imam.

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

JIRIMIA 50:44

“Koson ra singa' miningkual intor ra kataunan gimbaan giu' ra kiing ru Sungoi Jordan, am nagaloi ra padang masakot ondo' masansam, koon raginio niayuk ra Aku, Tuhan, matong am mangkinibit ra ulun ru Babilonia magiru' ra mamulali' intor ra bandar nilo. Tingganai ondo' pilion Kuno pana ondo' mamarinta boo ra pagun no. Osoi kia ondo' mokogondo' Raki'? Osoi kia ondo' baani manggal Raki'? Panguasa' ra ati kia ondo' makakau' manggal Raki'?

YEHEZKIEL 40:46

am lamin ondo' tumingkuang ra ralayo tinampos ra tayar ru imam-imam ondo' mangandoi giu' ra altar. Ngaangai' ru imam no papag ri Jadok. Intor ilo ra bansa' ru Liwi am ilo ayuk ondo' iowon muma' ra Tuhan koson mangandoi Riso.

YEHEZKIEL 43:19

Imam-imam papag ri Jadok intor ra bansa' ru Liwi ayuk iowon matong ra saang Kuno koson mangandoi Raki'. Aku, Tuhan Raja', nanusub ragitio. Mangani' kou risilo sanginan anak sapi' gawayan maa' raginio pataakon koson ra taak simbalui koson mangampun ra tula.

YEHEZKIEL 45:4

Tana' no matulai am pataakin ra imam-imam ondo' maningganai ra sambayang giu' ra Baloi ru Tuhan. Baloi-baloi nilo am Baloi ru Tuhan musiti' baalon ra giu' no.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

UNTABAN 16:6

Susuab no ra susuab ti okou am mamaya' muno musiti' magibit ra intok ru baa am kaminyan, am magibit raginio giu' ra altar. Ilain takau boo osoi ritakau ti pinili' ru Tuhan. Akau ulun ru Liwi ra najanjayan!”

UNTABAN 17:5

Jujuga' ru ulun ondo' pinili' Kuno manalantar. Koson raginio noyo Aku mopolonggo' ra butok ru ulun ru Israil rirun ondo' kalo mapuputat.”

UNTABAN 17:8

Suabon raginio, paat ri Musa mumpos ra ralalom Kim ru Tuhan, nakito no ra jujuga' ri Arun, jujuga' ondo' nanguakil ra bansa' ru Liwi, nanalantar noyo. Jujuga' no makapumput noyo, makabusak am makaampos kukula' kawa' ru badam ondo' matuo.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

IPISUS 2:13

Kaa' raino, akau ondo' galing i maalur intor Riso, mamaar kau boo ralalom pasimpungan min ri Kristus Jisus, sabap ra kapatayan Nano.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.