UNTABAN 16:48 - Tanou Moonsoi Timugon

⁴⁸ Ginio ra longgo' maruol tumapik no am bigor i Arun giu' ra tatanga' ru ulun ondo' lakat poyo maayag am ondo' minatoi noyo.

UNTABAN 16:48 ပူးပေါင်းရင်းမြစ်များ

2 SAMUIL 24:25

Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

MAZMUR 106:30

Kaa' i Pinigas minigor am mangukum ra ulun makasala, taru' boo lugu malaat no.

UNTABAN 16:18

Ginio ra moonong ulun nagibit ra intok ru baa, sinuangan ra baa ru apui am kaminyan, am bigor giu' ra kulobon ru Kim ru Tuhan nababaya' ri Musa am i Arun.

UNTABAN 16:35

Kopongo raginio paparatong Tuhan ra apui ondo' nanimbula' am nonolob ra 250 ngaulun ondo' napataak noyo ra kaminyan.

UNTABAN 16:47

Binaal ri Arun atan ondo' rinagu ri Musa. Nagibit i Arun ra intok ru baa nano am pasimbul mongoi ra tatanga' ru ulun ondo' tatanga' mantimung. Pakakito i Arun ra maruol tumapik tumalimpuun noyo, pasuango' no kaminyan ra baa ru apui am pambaal ra upacara pamasawan tayar ru ulun no.

UNTABAN 16:49

Ulun minatoi paat raginio suang no 14,700 ngaulun, kalo nakaaya' ulun ondo' minatoi paat ra guor ri Kora.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.