UNTABAN 16:46 - Tanou Moonsoi Timugon

⁴⁶ am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

UNTABAN 16:46 ပူးပေါင်းရင်းမြစ်များ

1 TUNUNG RU BANSA' ISRAIL 27:24

I Joab anak ri Jiruya nanalimpuun ra panguntaban, kaa' kalo pinongo no, sabap ra i Aki Kapuuno' nangukum ra Israil sabap ru panguntaban no. Ginio sabap ra suang nilo kalo tinulisan giu' ra ralalom ru buuk ru Raja' Daut.

MAZMUR 106:29

Binaal nilono mapasangit ra Tuhan, am lugu malaat makatiu' risilo.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

ABAKUK 3:5

Nanusub Kou ra maruol magulu Rirun am nanusub ra kapatayan sumunu' Rirun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 11:33

Liliwa' lakat poyo masuang kual ru susuit tantarau, siminangit Tuhan ra ulun no am naparatong ra maruol risilo.

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 25:13

Sabap ra kalo pinoloso no Israil siminamba ra tuhan ra bokon, am naparatong io niayuk ra pangampunan ra tula ra tayar ru ulun raginio, io am papag nano masauk ra imam ra sabuoi-buoi no.”

UNTABAN 25:8

am nangilou ra ungkuyon am ruandu' no giu' ralalom ru kim; tinobok no karuruo no ra tutura'. Koon raginio noyo maruol tumapik ondo' tatanga' mamuso ra ulun ru Israil no timinaru'.

UNTABAN 8:19

Ulun ru Liwi pataakon Ku ri Arun am anak-anak ungkuyon nano tayar ru taak intor ra ulun ru Israil, maa' raginio ulun ru Liwi makapangandoi ra tayar ru ulun ru Israil giu' ra Kim Kuno. Makiampun ulun ru Liwi niayuk intor Raki' ra tayar ru ulun ru Israil maa' raginio ulun raginio kalo malumpa' ra karaat amon ru matong ilo mamaar kaga' ra Lamin Matulai.”

SAGULION 9:22

Paat ra akau giu' ra Tabira, Masa, am Kibrot-Taawa, nangkinibit kau niayuk ra Tuhan i Aki Kapuuno' siminangit.