UNTABAN 16:38 - Tanou Moonsoi Timugon

³⁸ Intok ru baa no matulai sabap pinataak noyo giu' ra altar ru Tuhan. Ginio ra alapo' noyo intok ru baa ru ngaangai' ulun ondo' inukum ra matoi sabap ra tula nilo, am tuyuo' boo ra intok ru baa no masauk ra kapingan mangalilis koson saukon ra taub ru altar. Taub no masauk ra rondo' papakaraan ra ulun ru Israil.”

UNTABAN 16:38 ပူးပေါင်းရင်းမြစ်များ

1 RAJA'-RAJA' 2:23

Kopongo raginio nagibot Raja' Salomo ralalom inggalan ru Tuhan, kono, “Polosoon noyo i Aki Kapuuno' no mamatoi raki' amon ru kalo ukumin ku ra matoi i Adonia sabap ra makitaak ra baal raginio!

AMSAL 1:18

kaa' ulun malaat mapataan ra landak ondo' masulungan nilo galama' – landak ra makapatoi risilo galama'.

AMSAL 20:2

Malaa' ra raja' sumangit nogondo' niayuk laa' bulintok singa' mansangal. Ulun mangkinibit ra raja' sumangit iono mamuso ra inan galama'.

AMSAL 8:36

Osoi kalo makatuum raki' mamungawo io, am ulun masisang raki', gumogot ra kapatayan.”

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

YEHEZKIEL 14:8

Anggalon Ku io, am saukon io koson ra pampakaraan. Patirin Ku io intor ra gino ngai' ru ulun Kuno, maa' raginio makapandai kau ra Aku noyo Tuhan.

ABAKUK 2:10

Kaa' inatangan mino mampakauyu' ra sasambaloi min; am mamuso ra masuang bansa', maparatong kau ra katutukan ru inan galama'.

UNTABAN 16:37

“Susubo' i Iliajar, anak ri Imam Arun, mangalap ra ngaangai' intok ru baa gangsa' no intor ra nongosolob am patabulon boo arang no giu' intok ra bokon, sabap ra intok ru baa no matulai.

UNTABAN 16:39

Imam Iliajar pana nangalap ra ngaangai' intok ru baa no, am panusub boo ra ulun nanuyu' raginio masauk ra kapingan mangalilis koson saukon ra taub ru altar.

UNTABAN 16:40

Taub no nasauk ra papakaraan ra ulun ru Israil ra kolondo' sangulun pana ondo' ayuk am papag ri Arun makainggaar ra altar monolob ra kaminyan ra Tuhan. Ulun ondo' manggal ra aturan no matoi koson ri Kora am ngaangai' maamaya' nano. Ngaangai' no binaal sumugut ra susuban ru Tuhan ri Iliajar ra pinasaboi galing ri Musa.

UNTABAN 17:10

Indagu boo Tuhan ri Musa, “Pabantaa' saguli' jujuga' ri Arun giu' ra saang ru Kaban Nabantuan. Jujuga' no musiti' buliin koson ra papakaraan ra ulun ru Israil ondo' masaga' gumuor, ra matoi ilo amon ru kalo lumonggo' ilo mambutok.”

UNTABAN 26:10

Paat ragili nalapak tana' am nonolon risilo. Minatoi ilo nababaya' ri Kora am maamaya' nano, paat ra apui namuso ra 250 ngaulun ungkuyon, am kasaukan raginio nasauk ra papakaraan ra ulun ru Israil.

1 KORINTUS 10:11

Ngaangai' no nasauk risilo koson alapon ra panginuuyan ra ulun bokon. Ngaangai' no tinulisan niayuk koson rondo' pampakaraan ritakau, ondo' raino maayag ra paat ra pamupusan ru tana' ti.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.