UNTABAN 16:29 - Tanou Moonsoi Timugon

²⁹ Amon ru ngaangai' ulun no matoi toojo ayuk ra kolondo' ukuman intor ri Aki Kapuuno', ginio noyo tatandu' no ra Tuhan kalo nanusub raki'.

UNTABAN 16:29 ပူးပေါင်းရင်းမြစ်များ

1 RAJA'-RAJA' 18:36

Paat ra mapataak ra taak simbalui ru mamai', inggaari' ru Nabi Ilia altar no am pakiasi', “Iou Tuhan, i Aki Kapuuno' ri Abragam, i Isak am i Jakub, raino painonoo' ra Okou i Aki Kapuuno' ru Israil am ra aku ti ulipon Muno. Painonoo' niayuk ra binaal ku gitio ngaangai' sumugut ra susuban Muno.

1 RAJA'-RAJA' 22:28

Kon ri Mika, “Amon ru makasaguli' kou raja' ra maayag, maaru' Tuhan no kalo mindagu pinabala' galing raki'!” Kon poyo ri Mika, “Rongogo' noyo, akau ngaangai' ulun, ra atan ondo' rinagu kutu.”

2 TUNUNG RU BANSA' ISRAIL 18:27

Kon ri Mika, “Amon ru sumaguli' kou ra maayag, maaruan ra kalo minindagu Tuhan pinabala' galing raki'!” Kon poyo ri Mika, “Rongogo' min ulun kau ngai', ra atan ondo' rinagu ku noyo ti!”

AYUP 35:15

Pangkaraan muno ra kalo mangukum i Aki Kapuuno', am kalo mampalio Io ra kaanggalan.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

MAMPATANOU 3:19

Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

SULABOI 4:22

Inukum noyo Sion sabap ra tula nano; raino Tuhan kalo boo mompoloso ramon mayan giu' ra intok pamatiran. Kaa' okou, Idom, ukumin ru Tuhan; tula-tula muno patalangon.

PINAINTALANG 11:5

Amon ru mokoondo' mangkinam mampalaat risilo, mingkual apui no intor ra kabang nilo am mangumpo ra pantula' nilo. Intor raginio, osoi ayuk mangkinam mampalaat risilo no potoyon.