UNTABAN 16:28 - Tanou Moonsoi Timugon

²⁸ Indagu i Musa ra ngaangai' ulun ra giu' no, “Gitio noyo ralan min makapandai ra Tuhan ondo' nanusub raki' mambaal ra ngaangai' baal ragitio, am ra kalo nambaal aku raginio sumugut ra kasaga' kuno galama'.

UNTABAN 16:28 ပူးပေါင်းရင်းမြစ်များ

1 RAJA'-RAJA' 18:36

Paat ra mapataak ra taak simbalui ru mamai', inggaari' ru Nabi Ilia altar no am pakiasi', “Iou Tuhan, i Aki Kapuuno' ri Abragam, i Isak am i Jakub, raino painonoo' ra Okou i Aki Kapuuno' ru Israil am ra aku ti ulipon Muno. Painonoo' niayuk ra binaal ku gitio ngaangai' sumugut ra susuban Muno.

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 4:12

Raino, ongoi noyo. Indanganon Tokou mindagu am mambala' rirun ra atan musiti' raguon muno.”

KAINGKUALAN 4:15

Makapansunur kou riso, am mambala' riso atan ondo' musiti' raguon nano. Indanganon Ku akau ruo am mambala' ramuyun atan ondo' musiti' raguon am baalon.

KAINGKUALAN 7:9

“Amon ru makitaak raja' no ramuyun mambaal ra kaimuagan koson ra inono', susubo' i Arun mangalap ra jujuga' nano am patirin ra saang ru raja'. Makulau jujuga' no sumauk ra kukuo.”

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

YEHEZKIEL 13:17

Indagu Tuhan, “Okou ulun mapandai matoi, ilai' ruandu'-ruandu' ondo' siminalu ra nabi ra gino ngai' ru bansa' muno. Kalasango' sawai muno risilo,

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

JAKARIA 4:9

Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo.

UNTABAN 24:13

kabalu' pana mangani' kou raki' ra ngaangai' mas am pirok giu' ra istana muno, kalo makaanggal aku ra susuban ru Tuhan ra mambaal ra kasagaan kuno galama'. Mindagu aku ayuk ra atan ondo' sinusub ru Tuhan.”

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 14:11

Pangintopot kano ra Aku masimpung ri Ama', am i Ama' masimpung Raki'. Kaa' amon ru kalo, pangintopot kano ayuk ra binaal Kuli.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”