UNTABAN 16:15 - Tanou Moonsoi Timugon

¹⁵ Siminangit toojo i Musa am indagu ra Tuhan, “Pai' noyo apuo' atan-atan taak intor risilo. Kalo igondo' aku pambaal ra sala risilo; am sanginan kaladai pana kalo igondo' ku alapo' intor risilo.”

UNTABAN 16:15 ပူးပေါင်းရင်းမြစ်များ

2 SAMUIL 22:22

Gumagaya' aku ra ukum ru Tuhan; kalo mangiruan aku ri Aki Kapuuno' kuno.

KAINGKUALAN 32:19

Pakainggaar i Musa ra nangkiman no am pakakito ra sinungkalalaing ru sapi' intor ra mas no am saliligo' mamagun, am sangit io. Giu' no lonson toojo ru gunung, pinaambang no batu pamatikan ra inibit nano saboi nopopol toojo.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

UNTABAN 16:16

Indagu i Musa ri Kora, “Susuab no, okou am 250 ngaulun maamaya' muno musiti' matong giu' ra Kim ru Tuhan. Soroi niayuk i Arun ra giu'.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

1 KORINTUS 9:15

Kabalu' pana koson raginio, kalo poyo igondo' ku pasalulaa' kuasa' raginio koson makitaak ra atan ayuk pana. Am raino pana, aku nanulis ra surat ti, sala' ka mapasalula' aku ra rondo' pakitaakan. Moonsoi poyo matoi aku galing ka matatakan ra kaansukan kutu raginio.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 7:2

Ukabo' noyo guang min ramon. Kalo igondo' akai pakasala ra osoi ayuk pana, kapoam nampalayau ra sangulun pana, am kolondo' sangulun kon rinuung mai.

IPISUS 4:26

Amon ru sumangit kau, pai' polosoo' sangit mino mangkinibit ramuyun makatula. Pai' bulii' sangit minti suku' ra talapan ru orou.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.