UNTABAN 16:13 - Tanou Moonsoi Timugon

¹³ “Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 16:13 ပူးပေါင်းရင်းမြစ်များ

KAINGKUALAN 1:11

Ginio ra pangalap ulun ru Misir ra kukula' ngaulun tingganai ru ulipon koson mangimbolo' ra ulun ru Israil ra kandoi maagat. Jajalin ulun ru Israil mambaal ra bandar Pitom am Ramsis ondo' saukon ra pusor pambulian ra kuliamos tayar ru raja' ru Misir.

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

KAINGKUALAN 16:3

Konilo ri Musa am i Arun, “Moonsoi poyo ru minatoi akai pinatoi ru Tuhan giu' ra Misir. Maa' giu' no ra makaturung akai, am niayuk mangakan ra kual, am kula' pana suang ru akanon gogoton mai. Kaa' nagibit kou ramon mongoi ra tana' kaagisan ti maa' raginio ngaangai' akai matoi ra bitilan.”

KAINGKUALAN 17:3

Kaa' ulun-ulun pinaason kaga' am marayus-rayus ilo mambutok ri Musa. Konilo, “Kua ibito' mu akai mingkual intor ra Misir? Maa' kia raginio akai am anak maiti, am niayuk tinambiag mai matoi ra paason?”

KAINGKUALAN 2:14

Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.”

KAINGKUALAN 2:23

Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'.

YEHEZKIEL 34:18

Ra akau ngai' no mokoondo' ondo' manguang ra mangakan ayuk ra sakot ondo' moonsoi kaga', kaa' niayuk manginjang-nginjang ra sakot ondo' inakan nilo! Manginum ilo ra timug maniol, kaa' mampalutok ra timug ondo' kalo inumon nilo.

UNTABAN 11:20

kaa' buoi sansila', saboi marualan kau am lua'-lua' sabap ra kual no. Baal raginio masauk sabap nangimpai kau ra Tuhan ondo' soroi ra tatanga' mino. Nambutok kau niayuk Riso ra minindagu ra akau kalo musiti' nangiruan ra Misir.’ ”

UNTABAN 11:4

Ralalom pangkiralanan ru ulun ru Israil, mokoondo' niayuk santayaran ulun bansa' bokon ra popolos nilo. Matiakan kaga' ulun bansa' bokon no ra kual, am tumalimpuun boo ulun ru Israil mambutok, “Mapara' bonsoi no amon ru makaakan takau ra kual.

UNTABAN 11:5

Giu' ra Misir makaakan takau ra papait ra masuang maya' ra kasagaan takau ra kalo mambayar ra atan-atan. Lakat poyo mangkara' takau ra baliburan, sangop, kusai, ambawang malia' am ambawang mapulak ra giu' i.

UNTABAN 13:27

Indagu ilo ri Musa, “Liniput mai noyo tana' no am nakakito ra langkaya' am malabung tana' no; gitio noyo sanganu ra kikinawa' intor ra giu'.

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 14:3

Kua kasaga' Tuhan magibit ramon giu' ra tana' no? Matoi akai ra pangayawan, am rokopon andu' anak mai. Kalo kia moonsoi poyo ru sumaguli' akai ra Misir?”

UNTABAN 16:12

Kopongo raginio nanusub i Musa ra ulun mampiau ri Datan am i Abiram, kaa' kalo masaga' i Datan am i Abiram matong. Konilo,

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.