UNTABAN 16:1 - Tanou Moonsoi Timugon

^1-2 I Kora anak ri Jijgar, intor ra bansa' ru Kigat bansa' ru Liwi, giminuor ri Musa. Inindangan i Kora ru talu ngaulun intor ra bansa' ru Rubin, iono i Datan am i Abiram, karuo-ruo no anak ri Iliab, am niayuk i On anak ri Pilit, am niayuk 250 ngaulun tingganai mangaatang ondo' pinili' ru ulun ru Israil.

UNTABAN 16:1 ပူးပေါင်းရင်းမြစ်များ

MAZMUR 106:16

Giu' ra tana' kaagisan no sumolon ilo ri Musa, am niayuk ri Arun, ulipon Nano ra matulai.

KAINGKUALAN 6:16

I Liwi makaanak ungkuyon talu ngaulun: I Girson, Kigat am i Mirari. Ilo noyo kinamatuaan ru bansa'-bansa' ra bala ri Liwi. Naayag i Liwi buoi 137 ngambilor.

KAINGKUALAN 6:18

I Kigat makaanak ungkuyon apat ngaulun: I Amram, Jijgar, Gibron am i Ujiil. Naayag i Kigat buoi 133 ngambilor.

KAINGKUALAN 6:21

I Jijgar makaanak ungkuyon talu ngaulun: I Kora, Nipig am i Jikri.

UNTABAN 15:41

Aku noyo Tuhan i Aki Kapuuno' min; nagibit Aku ramuyun miningkual intor ra Misir maa' raginio masauk Aku ri Aki Kapuuno' min. Aku noyo Tuhan.”

UNTABAN 27:3

“Minatoi ama' maili giu' ra tana' kaagisan ra kolondo' anak ungkuyon. Io sala' ka maamaya' ri Kora ondo' giminuor ra Tuhan. Ama' maili minatoi sabap ra tula nali galama'.

SAGULION 11:6

Nakara' min ra atan ondo' binaal Nano ri Datan am i Abiram, anak ri Iliab intor ra bansa' ru Rubin. Giu' ra talupak ru mato ru ngaangai' ulun, nonolon tana' risilo nabaya' ra sasambaloi, pangkiman am ngaangai' ulipon am bibiag nilo.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.