UNTABAN 15:4 - Tanou Moonsoi Timugon

^4-5 Osoi ondo' mapataak ra domba kapoam kambing tayar ru taak simbalui koson mapabansuk ra guang ru Tuhan, musiti' niayuk mangani' ra sakilogram tapung moonsoi kaga' pinaratok ra salito umau ru jaitun koson taak simbalui koson paringkuanangan; pabayaan ra salito wain, koson pabayaan ra moonong bibiag ondo' pataakon.

UNTABAN 15:4 ပူးပေါင်းရင်းမြစ်များ

IJRA 7:17

“Pakayo' ruit no ra matanda' koson mambali ra sapi' gawayan, domba gawayan, anak domba, gandum am wain. Pataako' noyo ngaangai' taak raginio giu' ra altar ra Baloi ru Tuhan giu' ra Jirusalim.

KAINGKUALAN 29:40

Pabayaan ra anak domba ondo' kasaa', pataakon sakilogram tapung gandum ra moonsoi kaga', ondo' linatakan ra salito umau jaitun kopoyo. Pasasaron salito wain koson ra taak.

JISAYA 66:20

Ibiton nilo ngaangai' ulun ru bansa' mino muli' intor ra pagun-pagun raginio koson ra taak nilo Raki'. Sumakoi ilo ra kuda, baghal, unta, kurita' kuda am pedati mongoi ra bulur Kuno ra matulai giu' ra Jirusalim, koson ra ulun ru Israil magibit ra gandum pinasuang ra rondo' intok mapasau mongoi ra Baloi ru Tuhan koson maringkuanang Raki'.

YEHEZKIEL 46:14

Moonong susuab ti musiti' pataakon niayuk 2 ngakilogram unor-unor am 1 ngalito umau jaitun koson polotokon ra unor-unor no. Aturan ti musiti' gagayaan ra sabubuoi no.

IMAMAT 1:13

Musiti' ulun no mambagu' ra kalabuat am paa ru bibiag no. Musiti' imam-imam boo mapataak ra ngaangai' taak simbalui no ra Tuhan, am niayuk ngaangai' no solobon ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 14:10

Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 2:1

Paat ra sasangulun no mapataak ra taak simbalui koson paringkuanangan ra Tuhan, taak simbalui no musiti' intor ra tapung moonsoi kaga', ondo' uasin ra umau jaitun am tinaukan ra kaminyan rasawat no.

IMAMAT 2:15

Unor-unor no musiti' uasin ra umau jaitun am taukin ra kaminyan.

IMAMAT 23:13

Pabayaan ra taak no, musiti' kau mapataak ra ruo ngakilogram tapung ra moonsoi kaga' ondo' latakin ra umau jaitun tayar ru taak akanon. Owou ru taak no mapabansuk ra guang ru Tuhan. Pabayaan ra taak no, pataakon niayuk salito wain.

IMAMAT 3:7

Amon ru mapataak sasangulun no ra sanginan domba, musiti' io magibit ra domba no ra Kim ru Tuhan.

IMAMAT 6:14

Gitio noyo aturan intor ra taak simbalui koson paringkuanangan ra Tuhan. Musiti' sangulun imam papag ri Arun no mapataak ra taak simbalui no giu' ra saang ru altar.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

UNTABAN 28:12

Koson ra taak simbalui koson paringkuanangan, pataako' noyo tapung moonsoi kaga' naratok ra umau jaitun: talu ngakilogram tapung moonsoi kaga' ra tayar ru moonong sanginan sapi' gawayan; ruo ngakilogram tapung moonsoi kaga' ra tayar ru domba gawayan,

UNTABAN 28:4

Pataako' sanginan anak domba tampilon ra susuab ti am sanginan poyo tampilon ra mai' ti;

UNTABAN 29:6

Ngaangai' ru taak simbalui no paruangon ra taak simbalui koson mapabansuk ra guang ru Tuhan, ondo' pataakon pabayaan ra taak simbalui koson paringkuanangan, paat ra orou kasaa' ra moonong sila', am niayuk paruangon ra taak simbalui ra moonong orou ondo' pataakon pabayaan ra taak simbalui koson paringkuanangan am taak simbalui wain. Owou ru taak akanon ti mapabansuk ra guang ru Tuhan.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

TINGGANAI RU BANSA' 9:9

Taam puun jaitun, ‘Kalo malanggaan ku manangampos ra umau ondo' pakayon koson mangurumat ra dewa am ulun, koson mamarinta ayuk toojo ramuyun.’