UNTABAN 15:31 - Tanou Moonsoi Timugon

³¹ sabap ra mansang io ra bala' ru Tuhan am sumingon manggal rondo' ra susuban Nano. Matoi ulun no sabap ra kasalaan nano galama'.

UNTABAN 15:31 ပူးပေါင်းရင်းမြစ်များ

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

MAZMUR 107:11

sabap ra ilo minanggal ra panusuban ri Aki Kapuuno', am marara' ilo ra susuban ru Io Ondo' Maayo Kaga' Kuasa'.

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

JISAYA 30:12

Kaa' gitio noyo ragu ri Aki Kapuuno' ru Israil, i Aki Kapuuno' ondo' matulai, “Kalo lioon min ragu Kuno am lumansan kau ayuk ra kalaatan am pamparuungan.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

YEHEZKIEL 18:20

Ulun ondo' makatula matoi. Sangulun anak kalo pana makinibitan ra tula ru ama' nano. Koon niayuk ra sangulun ama' kalo pana makinibitan ra tula ru anak nano. Sangulun ondo' moonsoi makapangapu ra balos moonsoi sabap ra kinoonsoi nano, am sangulun ondo' malaat makinibitan ru kalaatan nano.

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

IMAMAT 26:43

Kaa' makapagulu, musiti' pagun no kolondo' soroi ra mamagun no maa' raginio totopot makatangus. Musiti' ulun Kuno maukuman ra ngaangai' ukum, sabap ra marara' gumagaya' ra ukum am susuban Kuno.

IMAMAT 5:1

Taak simbalui koson mangampun ra tula gogoton pataakon ra tayar ru baal ragitio: Amon ru sasangulun no napatas noyo kitaakon mangani' ra inono' giu' ra makama, kaa' kalo nangani' ra pambalaan ra ondo' nakito nano noyo kapoam naining nano, am musiti' io mansaan ra kinibit no.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

2 PITRUS 2:21

Moonsoi poyo ru ulun koson raginio kalo igogondo' pakaulig ra ralan katapatan ri Aki Kapuuno', intor ra ilo makaulig toojo, kaa' ra tauli kalo boo sumugut ra panusuban ri Aki Kapuuno' ondo' pinasaboi noyo risilo.

1 SAMUIL 3:14

Ginio ra magibot Aku ra sasambaloi ri Ili, ra koson mantilayun kolondo' taak simbalui kapoam taak ra atan pana ondo' makapuso ra tula ondo' makalalaa' kaga' no.”