UNTABAN 15:3 - Tanou Moonsoi Timugon

³ Tayar ru taak simbalui koson mapabansuk ra guang ru Tuhan, kapoam taak simbalui koson manugut ra nazar, kapoam taak simbalui toojo ayuk, kapoam taak simbalui paat ra pangiantakan ra kaindalaman, makapanaak kau ra bibiag ragitio ra Tuhan: Sanginan sapi' gawayan, sanginan domba gawayan, sanginan domba kapoam sanginan kambing. Owou ru taak akanon no mapabansuk ra guang ru Tuhan.

UNTABAN 15:3 ပူးပေါင်းရင်းမြစ်များ

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

IJRA 7:17

“Pakayo' ruit no ra matanda' koson mambali ra sapi' gawayan, domba gawayan, anak domba, gandum am wain. Pataako' noyo ngaangai' taak raginio giu' ra altar ra Baloi ru Tuhan giu' ra Jirusalim.

MAZMUR 54:6

Kaa' i Aki Kapuuno' noyo mangingindangan raki', Tuhan noyo manungka' raki'.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

KAINGKUALAN 29:25

Alapon boo ngaangai' ruti' no intor risilo am solobon rasawat ru altar, rasawat ru taak simbalui koson mapabansuk ra guang Kuno, koson taak akanon.

KAINGKUALAN 29:41

Pataakon boo anak domba ondo' karuo tampilon ra mai'. Pabayaan ra anak domba no, pataakon tapung gandum, umau jaitun am wain ondo' suang no nogondo' koson ra tampilon ra susuab ti. Ginio noyo taak akanon Raki', Tuhan am owou no mapabansuk ra guang Kuno.

IMAMAT 10:13

Akano' ruti' no giu' ra intok ondo' matulai. Ruti' ti intor ra akanon ondo' pinataak noyo ra Tuhan; ruti' ti tayar muno am anak-anak ungkuyon muno. Gitio noyo ondo' nanusuban ru Tuhan raki'.

IMAMAT 27:2

aturan ragitilo tayar ru ulun ru Israil. Paat pataakon ru sasangulun ra Tuhan koson manugut ra gogoton, mapuli' ulun no ra suang ru logo ragitio,

IMAMAT 7:16

Paat ra sasangulun mapataak ra taak simbalui koson makibarakat ra Tuhan, ra kuayan manugut ra nazar nano kapoam koson ra taak ondo' pataakon no ayuk toojo, kalo pana akanon ngaangai' taak simbalui raginio paat ra orou papataakan ra taak simbalui no. Suwo no maakan ra suabon no.

UNTABAN 28:27

Papataak ra taak simbalui koson mapabansuk ra guang ru Tuhan, iono ruo ngainan sapi' gawayan mamulok, sanginan domba gawayan, am tulu' ngainan domba gawayan ondo' umur no sambilor. Ngaangai' no kalo najamaran. Owou ru taak simbalui no mapabansuk ra guang ru Tuhan.

UNTABAN 29:8

Papataak ra taak simbalui koson mapabansuk ra guang ru Tuhan. Taak simbalui no iono sanginan sapi' gawayan, sanginan domba gawayan am tulu' ngainan anak domba gawayan ondo' umur no sambilor. Ngaangai' no kalo najamaran. Owou ru lisun ru taak simbalui no mapabansuk ra guang ru Tuhan.

UNTABAN 6:15

Musiti' io niayuk mapataak ra sambakul ruti' kalo linatakan ra ragi: Ruti' makapal ondo' linatakan ra umau jaitun, am ruti' malilis ondo' linuitan ra umau jaitun. Musiti' io niayuk mapataak ra taak simbalui koson paringkuanangan am taak simbalui wain, koson ra ondo' inaru' noyo.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

2 KORINTUS 2:15

Nga akai ti koson ra kaminyan ra maamis owou ondo' pataakin ri Kristus ri Aki Kapuuno'. Koson ra ulun-ulun ondo' mangaluus no, akai ti mogondo' ra owou mootong, io no kapatayan; kaa' koson ra ulun ondo' bayagon, akai ti mogondo' ra owou maamis, ondo' magibit ra kaayagan. Kaa' raino, osoi kia maaya' mampaugar ra kandoi raginio?

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:17

Kolondo' sangulun pana ramuyun mapataak ra Tuhan iowon akanon giu' ra intok inayanan min: iou pana sampiopor gandum, wain, umau jaitun kapoam anak katuaan ru sapi' am anak katuaan ru domba, taak ondo' binantu' min ra Tuhan, taak toojo ayuk, kapoam taak ra bokon.

SAGULION 12:6

Giu' ra intok no akau musiti' mampataak ra taak simbalui koson mapabansuk ra guang ru Tuhan, am taak simbalui ra bokon, sampiopor am taak ra bokon, taak ondo' binantu' min ra Tuhan, taak ondo' pataakon ayuk toojo, am niayuk anak katuaan ru sapi', am niayuk anak katuaan ru domba min.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.