UNTABAN 15:27 - Tanou Moonsoi Timugon

²⁷ Paat ra sangulun ayuk ondo' makatula am kalo singonon, musiti' io mapataak ra sanginan kambing ruandu' ondo' umur no sambilor tayar ru taak simbalui koson mangampun ra tula.

UNTABAN 15:27 ပူးပေါင်းရင်းမြစ်များ

IMAMAT 4:2

maa' raginio mambala' ra ulun ru Israil ra amon ru sasangulun no makatula am manggal ra rondo' ra susuban ru Tuhan ra kalo singonon, musiti' gagayaan ru ulun no aturan ragitio.

UNTABAN 6:14

am mapataak ra talu ngainan bibiag ondo' kalo najamaran no ra Tuhan: Sanginan anak domba gawayan ondo' umur no sambilor tayar ra taak simbalui koson mapabansuk ra guang ru Tuhan, sanginan anak domba ruandu' umur no sambilor tayar ru taak simbalui koson mangampun ra tula, am sanginan anak domba gawayan koson taak simbalui koson makibarakat ra Tuhan.

LUKAS 12:48

Kaa' ulipon ondo' kalo nakapandai ra kasagaan ru tuan nano, am makasala niayuk, loposon io ra kalo kula' ruol. Ulun ondo' inanian ra masuang no, masuang niayuk sikaan intor riso no. Amon ru masuang poyo pinalansan ra sangulun no, mulu' poyo suang ru kitaakon intor riso.”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 3:17

“Pabukat kau ngaangai'! Raino nakapandai aku ra atan ondo' binaal min am tingganai mino ri Jisus i, ginio binaal min sabap ra kalo nakarati' kau.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.