UNTABAN 15:24 - Tanou Moonsoi Timugon

²⁴ am amon ru kasalaan no binaal sabap ulun kalo nakapandai ra aturan, am ilo musiti' mapataak ra sanginan sapi' gawayan tayar ru taak simbalui koson mapabansuk ra guang ru Tuhan, ondo' owou ru lisun no mapabansuk ra guang Nano. Pabayaan ra taak simbalui no ilo musiti' mapataak niayuk ra taak simbalui koson paringkuanangan am taak simbalui wain koson ra ondo' inaru'. Suai raginio, musiti' ilo mapataak ra sanginan domba gawayan tayar ru taak simbalui koson mangampun ra tula.

UNTABAN 15:24 ပူးပေါင်းရင်းမြစ်များ

IJRA 6:17

Koson ra patimpokon no nampataak ilo ra 100 ngainan sapi' gawayan, 200 ngainan domba gawayan am 400 ngainan anak domba ra Tuhan. Koson ra taak simbalui pangampunan ra tula, nampataak ilo mopor am ruo ngainan kambing gawayan, sanginan ra tayar ru moonong bansa' ru Israil.

IJRA 8:35

Paat ra orou raginio niayuk, ngaangai' ulun ondo' minuli' intor ra pamatiran, nampataak ra taak simbalui koson mapabansuk ra guang ru Tuhan, i Aki Kapuuno' ru Israil. Nampataak ilo ra 12 ngainan sapi' gawayan ra tayar ru ngaangai' ulun ru Israil, 96 ngainan domba gawayan am 77 ngainan anak domba. Nampataak ilo niayuk ra 12 ngainan kambing ra tayar ru taak simbalui koson mangampun ra tula nilo galama'. Ngaangai' bibiag no sinolob koson ra taak simbalui koson ra Tuhan.

IMAMAT 23:19

Suai raginio pataako' noyo sanginan kambing gawayan tayar ru taak simbalui koson mangampun ra tula, am ruo ngainan anak domba gawayan ondo' sambilor umur no tayar ru taak simbalui koson makibarakat ra Tuhan.

IMAMAT 4:2

maa' raginio mambala' ra ulun ru Israil ra amon ru sasangulun no makatula am manggal ra rondo' ra susuban ru Tuhan ra kalo singonon, musiti' gagayaan ru ulun no aturan ragitio.

IMAMAT 4:22

Amon ru makatula am makasala sangulun tingganai sabap ra minanggal rondo' ra susuban ru Tuhan ra kalo singonon,

IMAMAT 4:23

mapandayan no ayuk tula nano, musiti' io mapataak ra sanginan kambing gawayan ondo' kalo najamaran no.

IMAMAT 5:15

Amon ru kalo singonon ru sasangulun mambaal ra tula sabap ra kalo nakasugut manaak ra tayar ra taak ondo' inaru' ra tayar ru Tuhan, musiti' ulun no magibit ra taak simbalui koson mambayar ra kalubatan ra Tuhan. Taak simbalui no musiti' sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' giu' ra Kim ru Tuhan.

IMAMAT 5:18

Koson ra taak simbalui koson mambayar ra kalubatan, musiti' io magibit ra imam ra sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' noyo giu' ra Kim ru Tuhan. Musiti' imam no mapataak ra taak simbalui koson mangampun ra tula ru ulun no ondo' kalo singonon nano, am ampunon boo ulun no ru Tuhan.

UNTABAN 15:23

kapoam amon ru paat ra matong no ulun ti kalo nakapambaal ra ngaangai' ondo' sinusub ru Tuhan ra pinasaboi galing ri Musa,

UNTABAN 15:26

Ngaangai' ulun ru Israil am ulun bansa' ra bokon ondo' minayan ramuyun ampunon, sabap ra ilo ngaangai' nakalabit ra kasalaan ondo' kalo siningon no.

UNTABAN 28:15

Liliwa' taak simbalui ra moonong orou pabayaan ra taak simbalui wain, pataako' niayuk sanginan kambing gawayan ra tayar ru taak simbalui mangampun ra tula.