UNTABAN 15:20 - Tanou Moonsoi Timugon

²⁰ Intor ra gandum ondo' kumos galing no, tunui' ruti' intor ra adunan kasaa' ru gandum no; rondo' ruti' musiti' pataakon tayar ru taak luntukon ra Tuhan. Ralan mapataak raginio nogondo' ra ralan mapataak ra taak luntukon intor ra gandum ondo' agik galing mino.

UNTABAN 15:20 ပူးပေါင်းရင်းမြစ်များ

NIGIMIA 10:37

Ibiton mai tapung ondo' makata' ondo' binaal intor ra unor-unor ondo' kasaa' kinumos ra moonong bilor, am niayuk taak ra bokon ondo' ginio am wain, umau jaitun, am niayuk ngaangai' salinut ru kikinawa'. Ngaangai' no taakin mai ra imam-imam ondo' giu' ra Baloi ru Tuhan. Aniin mai sampiopor ra ramon no ra ulun ru Liwi ondo' mangumung ra taak sampiopor giu' ra intok-intok pagitanaman no, iono sampiopor intor ra ampos ru tatanom ondo' tumuu' giu' ra umo mai.

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:26

“Moonong bilor, ibito' ampos kasaa' intor ra tana' min ra baloi ru Tuhan i Aki Kapuuno' min. “Pai' ansako' anak domba kapoam anak kambing ra gatas ru indung no.”

YEHEZKIEL 44:30

Imam-imam no musiti' aniin ra tayar moonsoi kaga' intor ra ngaangai' kumoson kasaa', am atan ayuk ondo' pataakon Raki'. Moonong igondo' ulun mangansak ra ruti', musiti' ilo mangani' ra ruti' kasaa' ra imam-imam no; am koson raginio noyo Aku mambarakat ra sasambaloi nilo.

IMAMAT 2:12

Ampos ru tinanom ondo' kumoson galing mino ra moonong bilor musiti' pataakon ra Tuhan, kaa' taak no kalo solobon ra rasawat ru altar.

IMAMAT 2:14

Paat ra ampos ru tinanom galing ondo' kumoson mino pataakon ra Tuhan, pataakon unor baguon ondo' sininggala' kapoam ondo' inumok noyo kaga'.

IMAMAT 23:20

Pataakon boo ru imam ruti' am ruo ngainan anak domba no tayar ru taak lilion ra Tuhan, am taak ti masauk ra imam-imam tatangan. Taak ragitilo matulai.

UNTABAN 15:21

Koson ra paat kolondo' pupus, ruti' intor ra adunan kasaa' no musiti' pataakon tayar ru taak luntukon ra Tuhan.

UNTABAN 18:12

Pataakon Ku rirun ngaangai' ampos kasaa' ondo' moonsoi kaga', ondo' pataakon ru ulun ru Israil Raki' ra moonong bilor: umau jaitun, wain am gandum.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

ROMA 11:16

Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

SAGULION 14:22

“Lilio' noyo taak sampiopor, iono sampiopor intor ra ngaangai' ampos ru umo min ra moonong bilor.

SAGULION 14:23

Kopongo raginio ongoi noyo ra rondo' intok ondo' pinili' ru Tuhan i Aki Kapuuno' min koson ra intok sambayangan. Giu' ra saang ru Tuhan i Aki Kapuuno' min, giu' ra intok pinili' Nano, akano' noyo taak sampiopor raginio: unor-unaran, wain, umau jaitun, anak katuaan ru sapi' am anak katuaan ru domba min. Baalo' noyo koson raginio maa' raginio magail kau migila' mangurumat ra Tuhan i Aki Kapuuno' min.

SAGULION 16:13

“Mopongo min malapos ngaangai' gandum am mamaga' ra ngaangai' kawa' ru anggur, iantako' noyo Pangiantakan Mangkalukub ra Raun buoi tulu' ngoorou.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.