UNTABAN 15:15 - Tanou Moonsoi Timugon

¹⁵ Koson ra paat kolondo' pupus, aturan ra mogondo' masauk ramuyun am ra ulun bansa' ra bokon ondo' minayan ramuyun. Akau am ilo nogondo' ayuk ra saang ru Tuhan;

UNTABAN 15:15 ပူးပေါင်းရင်းမြစ်များ

ESTER 9:27

nambaal ilo ra aturan risilo am papag nilo, am osoi ayuk ondo' nasauk ra ulun ru bansa' ru Jaudi musiti' mangiantak ruo ngoorou no ra moonong bilor, koson ra ondo' inaru' noyo ri Mordikai.

KAINGKUALAN 12:14

Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 12:24

Musiti' akau am anak mino gumagaya' ra kaulayan ti ra sabuoi-buoi no.

KAINGKUALAN 12:43

Indagu Tuhan ri Musa am i Arun, “Gitio noyo kaulayan ra Pangiantakan Paska: Ulun bansa' ru bokon kalo makaakan ra akanon Paska.

KAINGKUALAN 12:49

Kaulayan ra nogondo' masauk niayuk ra ulun ru Israil am ulun bansa' ru bokon ondo' minayan ramuyun.”

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

IMAMAT 24:22

Matiu' kau ngaangai' ru ukum ragitio, iou ra ulun ru Israil am niayuk ulun bansa' ru bokon ondo' minayan ra tatanga' min, sabap ra Aku noyo Tuhan i Aki Kapuuno' min.”

UNTABAN 10:8

Bujung-bujung no musiti' samputin ru anak-anak ungkuyon ri Arun, imam-imam no. Aturan ragitio musiti' gagayaan ra sabuoi-buoi no.

UNTABAN 15:14

Sangulun bansa' ra bokon ondo' minayan simpung ramuyun, ra buoi ayuk kapoam lumayun, ulun no musiti' gumagaya' ra aturan ondo' nogondo' paat io mapataak ra taak akanon, ondo' owou no mapabansuk ra guang ru Tuhan.

UNTABAN 15:29

Aturan ra nogondo' masauk ra ngaangai' ulun ondo' makatula am kalo singonon, iou ra ulun ru Israil am niayuk ulun bansa' ru bokon ondo' minayan ramuyun.

UNTABAN 18:8

Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

UNTABAN 9:14

Amon ru mokoondo' sangulun bansa' ra bokon ondo' minayan ra popolos min ondo' masaga' mangiantak ra Paska, musiti' io mangiantak raginio sumugut ra ngaangai' kaulayan. Ukum ondo' nogondo' masauk ra moonong ulun, iou ra ulun ru Israil am niayuk ra ulun bansa' ru bokon.”

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

JOSUA 8:33

Ulun ru Israil nababaya' ra tingganai-tingganai, pagawai-pagawai am akim-akim nilo, am niayuk ulun bansa' ru bokon ondo' minayan risilo, minigor ra karuo-ruo sapapa' ru Kaban Nabantuan. Timiningkuang ilo ra imam-imam bansa' ru Liwi ondo' nansaan ra Kaban no. Sampiruo intor ra ulun ru Israil timiningkuang ra Gunung Girijim am sampiruo poyo timiningkuang ra Gunung Ibal. I Musa, ulipon ru Tuhan nanaak noyo risilo ra susuban koson mambaal raginio masaboi paat ra ilo barakaton.

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.