UNTABAN 14:9 - Tanou Moonsoi Timugon

⁹ Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

UNTABAN 14:9 ပူးပေါင်းရင်းမြစ်များ

KASAUKAN 48:21

Indagu boo i Jakub ri Jusup, “Koson ra makito muno, patayan kuno mamaar noyo, kaa' sumbayaan kou ri Aki Kapuuno' am magibit Io saguli' rirun ra pagun ru kinamatuaan muno.

2 TUNUNG RU BANSA' ISRAIL 13:12

I Aki Kapuuno' galama' ondo' nasauk ra tingganai mai. Imam-imam Nano soroi ragiti am nakatampos manamput ra bujung koson ra tatandu' mai koson mamulunsar ramuyun. Mamagun kau ru Israil, pai' anggal ra Tuhan, i Aki Kapuuno' ru kinamatuaan min! Kalo lair mamanang kau!”

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 20:17

Kalo pana mangayou kau ralalom ru pangayawan ti. Alapo' noyo intok min am paginaa no. Makakito kau ra Tuhan mangani' ramuyun ra kamanangan. Pai' no kalaa' kapoam pagantangan, akau mamagun ru Jiuda am Jirusalim! Uma' kano ra pantula'; Tuhan mabaya' ramuyun!”

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

MAZMUR 106:24

Tuliarin nilo boo pagun ra maramai no, sabap ra kalo mangintopot ilo ra bantu' ri Aki Kapuuno'.

MAZMUR 121:5

Tuhan magalung ramuyun; soroi Io ra kiing mino koson manindung ramuyun.

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 46:8

Tuhan Ondo' Maayo Kaga' Kuasa' mabaya' ritakau; i Aki Kapuuno' ri Jakub manindung ritakau.

MAZMUR 74:14

Tinutuk Mu ulu-ulu ru Liwiatan, am pataakon baangkai no ra bibiag ru tana' kaagisan koson ra akanon.

MAZMUR 91:1

Ulun ondo' sumindung Riso Ondo' Masawat Kaga', ulun ondo' siminindung Riso Ondo' Maayo Kaga' Kuasa',

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 33:16

Ati kulaan ulun bokon makapandai ra maansayan Kou ra ulun Muno am aku, amon ru kalo maya' Kou ramon? Saang Muno ra tatanga' mai mapasusuai ramon intor ra bansa' bokon ra tana' ti.”

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JIRIMIA 42:11

Pai' boo kalaa' ra raja' ru Babilonia. Mabaya' Aku ramuyun, am palabuson Takamin intor ra kuasa' nano.

JIRIMIA 48:45

Ulun nagigiru' ondo' kalo maikang kuminam sumindung giu' ra Gisybon, bandar ondo' igondo' kinuasa' ru Raja' Sigon, kaa' raino bandar no tatanga' nosolob. Apui nangumpo ra intok giu' ra balitan am giu' ra intok kagunungan ru Moab, pagun ru ulun ondo' masaga' mangayou.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

DANIL 9:9

Maayo guang Muno makaasi' am mangampun, kabalu' pana giminuor akai Rirun.

UNTABAN 13:30

Napalinos i Kalib ra guang ru ulun ondo' mambutok ri Musa, am indagu, “Musiti' takau bulunsaron am gaawon tana' no raino niayuk. Sama' ikang takau koson mapakala raginio.”

UNTABAN 17:6

Ginio ra nambala' i Musa ra ulun ru Israil ra baal raginio. Moonong tingganai nilo pana manaak ri Musa ra rondo' jujuga', iono rondo' intor ra moonong bansa'. Ngaangai' no mopor am ruo ngantaun, makaaya' jujuga' ri Arun.

UNTABAN 20:2

Rondo' paat raginio giu' ra intok pangkiman ru ulun ru Israil, kolondo' timug. Ginio ra timung ilo ra liput ri Musa am i Arun,

UNTABAN 24:8

Nagibit i Aki Kapuuno' risilo miningkual intor ra Misir; Nangayou Io ra tayar risilo koson ra sapi' masigo. Namuso ilo ra pantula', nomopol ra bungul nilo, am namandak ra panah nilo.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 1:26

Kaa' inanggal min susuban ru Tuhan i Aki Kapuuno' min am kalo masaga' mongoi ra tana' no.

SAGULION 1:29

Kaa' kaku, ‘Pai' kalaa' ra ulun ra giu'.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

SAGULION 32:42

Anak panah Kuno maluitan ra raraa' nilo, am ilang Kuno mamatoi ra ngaangai' ulun ondo' manggal Raki'. Kolondo' sangulun pana ondo' manggal Raki' no maayag; am ulun napilat am ulun rinakop pana matoi.’

SAGULION 7:18

Pai' kalaa' risilo. Karaa' noyo binaal ru Tuhan i Aki Kapuuno' min ra raja' ru Misir am ngaangai' mamagun nano.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

TINGGANAI RU BANSA' 1:22

Bansa' ru Ipraim am bansa' ru Manasi namulunsar ra bandar Bitil, ondo' paat raginio ininggalanan ra Lus. Nangindangan Tuhan risilo. Ulun-ulun pansigo ondo' minongoi ra bandar no,