UNTABAN 14:34 - Tanou Moonsoi Timugon

³⁴ Mansaan kau ra kinibit ru tula mino buoi apat ngoopor ngambilor, sambilor koson moonong orou intor ra apat ngoopor ngoorou ondo' pinakai min lumiput ra tana' no. Mapandayan min boo ra ati kulaan kalimanan no paat ra Aku manggal ramuyun.

UNTABAN 14:34 ပူးပေါင်းရင်းမြစ်များ

1 RAJA'-RAJA' 8:56

“Koompor noyo Tuhan ondo' nanaak ra ulun Nano ra kaansayan koson ra ondo' binantu' Nano ondo' pinabala' galing ri Musa, ulipon Nano. Ngaangai' ondo' moonsoi ondo' binantu' Nano sinugut No noyo.

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

MAZMUR 105:42

Makara' No nabantuan Nali ondo' matulai ri Abragam, ulipon Nano.

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

MAZMUR 77:8

“Sabuoi-buoi no kia i Aki Kapuuno' mangimpai ritakau? Kalo kia boo masaga' Io ritakau?

MAZMUR 95:10

Suku' apat ngoopor ngambilor Aku nasuraan risilo; Minindagu Aku, ‘Mapara' piboo usung nilono! Kalo gumagaya' ilo ra panusuban Kuno.’

YEHEZKIEL 14:10

Nabi no pana galama', am niayuk ulun ondo' makibilin riso mangapu ra ukuman ra nogondo'.

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

YEHEZKIEL 4:6

Kopongo raginio pataigingo' inan muno am luya' ra tampilon pamiris muno. Mili' no ra ukuman koson kasalaan ru mamagun ru Jiuda buoi apat ngoopor ngoorou, songorou tatandu' ru sambilor ra ukuman risilo.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

IMAMAT 20:19

“Amon ru sangulun ungkuyon marulug ra kaminan nano, musiti' ilo ruo magantung ra kinibit no; baal raginio makauyuyu'.

JAKARIA 11:10

Kopongo raginio nangalap aku ra tataun ondo' ininggalanan “Kataawan” am pinandak, koson tatandu' ra nabantuan ondo' binaal ru Tuhan am ngaangai' bansa' inukat.

UNTABAN 13:25

Kopongo ulun-ulun pansigo no liminiput ra tana' no buoi apat ngoopor ngoorou, saguli' ilo

UNTABAN 18:23

Tumalimpuun raino, ulun ru Liwi ayuk ondo' manalingapu ra Kim Kuno am pinalansan toojo ngaangai' kandoi raginio. Aturan ragitio masauk niayuk tayar ru papag mino saboi ra sabuoi-buoi no. Ulun ru Liwi kalo makapanungkus ra tana' giu' ra Israil

UNTABAN 32:13

Siminangit Tuhan ra ulun ru Israil am nambaal risilo timinanggau giu' ra tana' kaagisan buoi apat ngoopor ngambilor, saboi minatoi noyo ngaangai' papag ondo' giminuor ra Tuhan.

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

JOSUA 14:10

Raino apat ngoopor am limo ngambilor noyo nansail intor ra Tuhan minindagu raginio. Paat raginio timinanggau ulun ru Israil giu' ra tana' kaagisan. Intor ragili nagalung noyo Tuhan raki' maa' raginio maayag aku rayus sumugut ra bantu' Nano. Ilai' noyo! Raino umur kuno balu' ngoopor am limo ngambilor noyo

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.