UNTABAN 14:28 - Tanou Moonsoi Timugon

²⁸ Raino taamo' ilo ra koson ragitio, ‘Nampator Aku sabap ra Aku ondo' maayag, ra mambaal Aku nontopot koson ra kinitaak min. Aku Tuhan nakaindagu noyo.

UNTABAN 14:28 ပူးပေါင်းရင်းမြစ်များ

AYUP 21:20

Polosoon noyo ulun ondo' makasala mansaan ra ukuman nilo; polosoon noyo ilo makaliman ra sangit ru Io Ondo' Maayo Kaga' Kuasa'.

MAZMUR 106:26

Ralalom boo ru pator binantu' Nano ra mamatoi risilo giu' ra tana' kaagisan,

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

YEHEZKIEL 12:25

Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 14:21

Kaa' nambantu' Aku sabap ra inan Kuno am sabap ra Aku ondo' maayag am makakuasa' ra tana' ti,

UNTABAN 14:23

Kalo noyo toojo mokoongoi ilo ra tana' ondo' binantu' Kuli ra kinamatuaan nilai. Kolondo' sangulun pana ondo' manggal Raki' mongoi ra giu' no.

UNTABAN 14:39

Kopongo i Musa nampasaboi ra bala' ru Tuhan ra ulun ru Israil, nanulaboi ilo ra mangiluk guang.

UNTABAN 32:11

‘Kalo gumagaya' ulun raginio Raki'. Ginio ra mampator Aku ra kolondo' sangulun pana ondo' miningkual intor ra Misir, ondo' umur no nasailan ruo ngoopor ngambilor mokoongoi ra pagun ondo' binantu' Kuno ri Abragam, i Isak am i Jakub.’

SAGULION 1:34

“Norongog ru Tuhan butok min am sangit Io. Indagu Io,

SAGULION 1:35

‘Kolondo' sangulun pana ramuyun intor ra sukor ra mangalaat ti mokoongoi ra tana' ondo' malabung no, ondo' binantu' Ku noyo koson pataakon ra kinamatuaan min.

SAGULION 2:14

Sauk raginio nasauk talu ngoopor am balu' ngambilor malupus itakau nangiruan ra Kadis-Barnia. Ngaangai' ulun ondo' makapangayou intor ra ulun ondo' minatoi noyo, koson ondo' rinagu ru Tuhan.

SAGULION 2:15

Nararayus Tuhan giminula' risilo saboi pupus no napuso ilo ngaangai'.

SAGULION 32:40

Sabap ra Aku galama', i Aki Kapuuno' ondo' naayag, mangakat Aku ra kalindu' am mampator

IBRANI 3:17

Ri osoi kia sinangitan Nano buoi apat ngoopor ngambilor? Ilo tupo ondo' nambaal ra tula am minatoi giu' ra tana' kaagisan.