UNTABAN 14:27 - Tanou Moonsoi Timugon

²⁷ “Saboi sanggilan kia ulun mangalaat ti mambutok Raki'? Norongog Ku noyo ngaangai' butok nilo!

UNTABAN 14:27 ပူးပေါင်းရင်းမြစ်များ

KAINGKUALAN 16:12

“Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 16:28

Indagu boo Tuhan ri Musa, “Kula' poyo buoi min kalo gumagaya' ra susuban Kuno?

KAINGKUALAN 16:7

Tampilon ra susuab ti makakito kau ra sinda ru katulayan ru Tuhan. Naining No noyo butok min Riso; iou, Riso, sabap ra mapaugar akai ayuk ra susuban Nano.”

KAINGKUALAN 16:9

Indagu i Musa ri Arun, “Susubo' ilo ngaangai' matong muma' ra Tuhan, sabap ra naining No noyo butok nilo.”

YEHEZKIEL 35:13

Nokorongog Aku ra ngaangai' pagasaban min Raki'.”

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

UNTABAN 14:26

Indagu Tuhan ri Musa am i Arun,

MATIUS 17:7

Kaa' ratong i Jisus am kombongo' No ilo. “Bigor kano,” kon Nano, “Pai' kano kalaa'!”

MARKUS 9:19

Indagu boo i Jisus risilo, “Topot-topot noyo akau ti kolondo' pangintapatan! Nabuoi Aku noyo minayan ramuyun am kalo poyo mangintopot kau. Ati kulaan Aku tumaan ramuyun? Ibito' lalaing no ragiti!”

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.