UNTABAN 14:24 - Tanou Moonsoi Timugon

²⁴ Kaa' paliso ri Kalib, ulipon Kuno suai; magulayun io gumagaya' Raki'. Ginio ra magibit Aku riso mongoi ra tana' ondo' liniput nano. Papag nano tatangan ra tana'

UNTABAN 14:24 ပူးပေါင်းရင်းမြစ်များ

1 TUNUNG RU BANSA' ISRAIL 29:18

Iou Tuhan i Aki Kapuuno', ondo' sambaan ri Abragam, i Isak am i Jakub, kinamatuaan maili, gama' ru alungin Mu ulun Muno maa' raginio rumayus motogom Rirun koson ra raino ti, am indangano' ilo maa' raginio gumagaya' ilo Rirun ra sabubuoi no.

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

2 TUNUNG RU BANSA' ISRAIL 25:2

Binaal ru Raja' Amajia atan ondo' mapabansuk ra guang ru Tuhan, kaa' kalo binaal no ginio ra sototopot ru guang.

MAZMUR 119:145

Ralalom intopot ru guang, mampiau aku Rirun; taamo' aku no, iou Tuhan; gagayaan ku panusuban Muno.

MAZMUR 119:80

Gama' ru masugut ku ngai' panusuban Muno, am kalo tauyuon aku.

AMSAL 23:26

Alii ra anak kuno, imansai' toojo am bayaa' bayag kuno.

UNTABAN 13:30

Napalinos i Kalib ra guang ru ulun ondo' mambutok ri Musa, am indagu, “Musiti' takau bulunsaron am gaawon tana' no raino niayuk. Sama' ikang takau koson mapakala raginio.”

UNTABAN 14:30

Nambantu' Aku noyo ra mapaayan ramuyun ra tana' ti, kaa' kolondo' sangulun pana ramuyun mayan ra giu' no ondo' ak am i Kalib am i Josua.

UNTABAN 26:65

Minindagu Tuhan ra matoi ilo ngaangai' giu' ra tana' kaagisan. Minatoi ilo ngaangai' ondo' ayuk am i Kalib anak ri Jipuni am i Josua anak ri Nun.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

IPISUS 6:6

Pai' gagaya' ayuk paat ra akau tainuin, koson ra makiompor kau ayuk risilo. Kaa' suguto' min noyo toojo ra kasagaan ri Aki Kapuuno', koson ulipon kau ri Kristus.

SAGULION 1:36

I Kalib anak ri Jipuni ayuk mokoongoi ra giu', sabap magulayun io giminagaya' Raki'. Manaak Aku ri Kalib am papag nano ra tana' ondo' liniput nano.’

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

KOLOSI 3:23

Atan ayuk kondoyon mino, paugaro' min noyo toojo mabaya' ra guang mabanis, koson ayuk mangandoi kau ra Tuhan am sala' ka ra ulun.