UNTABAN 14:22 - Tanou Moonsoi Timugon

²² ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

UNTABAN 14:22 ပူးပေါင်းရင်းမြစ်များ

KASAUKAN 31:41

Ginio noyo baal kuno buoi nangandoi rirun ra ruo ngoopor ngambilor i. Nangandoi aku buoi mopor am apat ngambilor koson makapanangandu' ra karuo ngaulun anak ruandu' muno, am buoi onom ngambilor poyo koson makaalap ra kambing am domba muno. Buoi ru ginio pana kinulau mu pinagaji' muno raki' saboi inggopor.

KASAUKAN 31:7

Kaa' rinuung no aku am kinulau no gaji' kuno saboi inggopor. Kaa' kalo pinoloso ri Aki Kapuuno' io lumaat raki'.

AYUP 19:3

Ruruli' kau magasab raki', am mononsol raki' ra kolondo' guang mauyu'.

MAZMUR 106:14

Giu' ra tana' kaagisan masingkual patilaai ru guang nilono, am mangkinam ilo ri Aki Kapuuno';

MAZMUR 106:26

Ralalom boo ru pator binantu' Nano ra mamatoi risilo giu' ra tana' kaagisan,

MAZMUR 78:41

Masalok ilo mangkinam ri Aki Kapuuno', am mapakaruol ra guang ru Io Ondo' Matulai Kaga', i Aki Kapuuno' ru ulun ru Israil.

KAINGKUALAN 14:11

Indagu ilo ri Musa, “Kolondo' kia lobong giu' ra Misir saboi nagibit kau ramon ra tana' kaagisan koson matoi? Ilai' noyo atan ondo' nasauk sabap ra okou nagibit ramon miningkual intor ra Misir!

KAINGKUALAN 15:24

Pasabutok mamagun ri Musa am pangkuot, “Atan boo inumon mai?”

KAINGKUALAN 16:2

Ngaangai' nilo pasabutok ri Musa am i Arun giu' ra tana' kaagisan no.

KAINGKUALAN 17:2

Mambubutok ilo ri Musa am indagu, “Anii' akai no ra timug inumon.” Taam i Musa, “Kua pambubutok kau? Kua pangkinam kau ra Tuhan?”

KAINGKUALAN 17:3

Kaa' ulun-ulun pinaason kaga' am marayus-rayus ilo mambutok ri Musa. Konilo, “Kua ibito' mu akai mingkual intor ra Misir? Maa' kia raginio akai am anak maiti, am niayuk tinambiag mai matoi ra paason?”

KAINGKUALAN 17:7

Intok no ininggalanan ra Masa am Miriba sabap ra mambubutok ulun ru Israil am mangkinam ra Tuhan paat ra ilo mangkuot, “Maya' kia Tuhan no ritakau kapoam kalo?”

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 5:21

Konilo ri Musa am i Arun, “Nakakito Tuhan ra atan binaal min. Mangukum Io ramuyun! Akau noyo nangkinibit ra raja' am ulun nano masisang ramon. Nangani' kau risilo ra sasaban koson mamatoi ramon.”

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 11:4

Ralalom pangkiralanan ru ulun ru Israil, mokoondo' niayuk santayaran ulun bansa' bokon ra popolos nilo. Matiakan kaga' ulun bansa' bokon no ra kual, am tumalimpuun boo ulun ru Israil mambutok, “Mapara' bonsoi no amon ru makaakan takau ra kual.

UNTABAN 12:1

Naguot i Musa ra sangulun ruandu' ru Kus. Ginio ra sinauk ri Miriam am i Arun ginio ra sasaban manuyu' ri Musa.

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 32:12

Ngaangai' ulun natiu' ra ukuman no ondo' ayuk am i Kalib anak ri Jipuni ulun ru Kinas no am i Josua anak ri Nun, sabap ra ilo ruo giminagaya' ra Tuhan.

MATIUS 4:7

Taam i Jisus, “Kaa' mokoondo' poyo tinulisan ra Buuk Kitab, ‘Pai' pangkinam ra Tuhan, i Aki Kapuuno' muno!’ ”

1 KORINTUS 10:5

Kabalu' pana koson ragili, kasuangan nilai kalo kaansayin ri Aki Kapuuno', am gili sabap ra baangkai nilai rumampalangan ayuk boo giu' ra tana' kaagisan.

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

IBRANI 3:9

Giu' i nangkinam ilo Raki', kon ri Aki Kapuuno', kabalu' pana nakaliman ilo atan ondo' binaal Kuli buoi apat ngoopor ngambilor.