UNTABAN 14:2 - Tanou Moonsoi Timugon

² Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 14:2 ပူးပေါင်းရင်းမြစ်များ

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

AYUP 3:11

Kua kia kalo minatoi aku ralalom binunakan ri ina'? Kua kia kalo minatoi aku paat ra inanak?

MAZMUR 106:24

Tuliarin nilo boo pagun ra maramai no, sabap ra kalo mangintopot ilo ra bantu' ri Aki Kapuuno'.

MAZMUR 106:25

Mambubutok ilo ra kim nilono am kalo mangkirongog ilo ra ragu ru Tuhan.

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

KAINGKUALAN 14:11

Indagu ilo ri Musa, “Kolondo' kia lobong giu' ra Misir saboi nagibit kau ramon ra tana' kaagisan koson matoi? Ilai' noyo atan ondo' nasauk sabap ra okou nagibit ramon miningkual intor ra Misir!

KAINGKUALAN 15:24

Pasabutok mamagun ri Musa am pangkuot, “Atan boo inumon mai?”

KAINGKUALAN 17:3

Kaa' ulun-ulun pinaason kaga' am marayus-rayus ilo mambutok ri Musa. Konilo, “Kua ibito' mu akai mingkual intor ra Misir? Maa' kia raginio akai am anak maiti, am niayuk tinambiag mai matoi ra paason?”

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 11:15

Amon ru koson ragitio pinamakuan Muno raki', pakaasi' no raki'; potoyo' aku noyo ra mataki' maa' raginio kalo boo mansaan aku ra kaimbalaan ti.”

UNTABAN 11:5

Giu' ra Misir makaakan takau ra papait ra masuang maya' ra kasagaan takau ra kalo mambayar ra atan-atan. Lakat poyo mangkara' takau ra baliburan, sangop, kusai, ambawang malia' am ambawang mapulak ra giu' i.

UNTABAN 14:1

Nosorondom ulun ru Israil nantatangi' sabap ra magalabo.

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

UNTABAN 16:13

“Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 16:41

Suabon no, nambutok ngaangai' ulun ru Israil ri Musa am i Arun. Konilo, “Namatoi kau ra santayaran ulun ru Tuhan.”

UNTABAN 17:6

Ginio ra nambala' i Musa ra ulun ru Israil ra baal raginio. Moonong tingganai nilo pana manaak ri Musa ra rondo' jujuga', iono rondo' intor ra moonong bansa'. Ngaangai' no mopor am ruo ngantaun, makaaya' jujuga' ri Arun.

UNTABAN 20:2

Rondo' paat raginio giu' ra intok pangkiman ru ulun ru Israil, kolondo' timug. Ginio ra timung ilo ra liput ri Musa am i Arun,

UNTABAN 20:3

liliwa' mambubutok, “Moonsoi poyo minatoi akai nababaya' ra pabukat-pabukat mai ra saang ru Kim ru Tuhan.

UNTABAN 20:4

Kua ibito' min akai mongoi ra tana' kaagisan ti? Masaga' kau kia ra matoi akai ragiti mababaya' ra bibiag tinambiag mai?

UNTABAN 21:5

am nambubutok ri Aki Kapuuno' am ri Musa. Konilo, “Kua kia ibito' mu akai miningkual intor ra Misir koson matoi ra tana' kaagisan ti? Giti kolondo' akanon kapoam timug. Najala' akai ra akanon ondo' mapalo ti!”

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

SAGULION 1:27

Pasabutok kau ra akau ngai' liliwa' mindagu, ‘Masisang Tuhan ritakau. Nagibit Io ritakau miningkual intor ra Misir koson pataakon itakau ra ulun ru Amori, maa' raginio mamatoi ilo ritakau.

SAGULION 9:23

Paat ra Io nanusub ramuyun nangiruan ra Kadis-Barnia ra susuban maa' raginio mayan ra tana' ondo' tinaakan Nano ramuyun, giminuor kau Riso. Kalo nangintopot am kalo giminagaya' kau Riso.

IBRANI 3:16

Osoi kia nakaining ra bolos ri Aki Kapuuno' kaa' minanggal boo Riso? Ilo tupo ondo' inibit ri Musa miningkual intor ra pagun ru Misir.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.