UNTABAN 14:19 - Tanou Moonsoi Timugon

¹⁹ Ginio ra iou Tuhan, ampuno' noyo tula ru ulun ti, sabap ra togom Muno maayo am kalo makulau, koson ra nangampun Kou noyo risilo intor ra ilo nangiruan ra Misir.”

UNTABAN 14:19 ပူးပေါင်းရင်းမြစ်များ

1 RAJA'-RAJA' 8:34

gama' ru Okou giu' ra suruga', mangkirongog risilo. Ampuno' noyo tula ru ulun Muno, am ibito' noyo ilo sumaguli' ra pagun ondo' taakin Mu ra kinamatuaan nilai.

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 85:2

Iou Tuhan, makaasi' Kou ra pagun Muno; sinauk Mu Israil linumangkaya' saguli'.

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

KAINGKUALAN 33:17

Indagu Tuhan ri Musa, “Baalon Ku koson ra kitaak muno, sabap ra mauligan Tokou ra matanda' am maansayan Aku rirun.”

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

DANIL 9:19

Rongogo' akai no, iou Tuhan, am ampuno' akai no. Rongogo' akai no, iou Tuhan, am imbuor no! Pai' kototoi maa' raginio moonong ulun makapandai ra Okou noyo i Aki Kapuuno'! Bandar am ulun ti longgom Muno.”

AMOS 7:2

Sampanon ru gapu' no nangai' pangakan ra ngaangai' tutuu' ra tana'. Aku pana mindagu, “Iou Tuhan Raja', ampuno' noyo ulun Muno! Ati kulaan lair ilo tumaan? Ilo boborok kaga' am malawo!”

AMOS 7:5

Aku pana mindagu, “Iou Tuhan Raja', lasai' apui no! Ati kulaan lair ulun Muno tumaan? Ilo boborok kaga' am malawo!”

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

JAKUBUS 5:15

Am pakiasian ondo' mabaya' ra pangintapatan, maalap kapali' maruol ru ulun no; babason ulun no ru Tuhan, am amon ru makatula lair, ampunon io.