UNTABAN 14:18 - Tanou Moonsoi Timugon

¹⁸ ‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

UNTABAN 14:18 ပူးပေါင်းရင်းမြစ်များ

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

AYUP 21:19

Kamin, ‘I Aki Kapuuno' mangukum ra anak sabap ra kasalaan ru ama' nano.’ Kaa' kaku, polosoon noyo i Aki Kapuuno' mangukum ra ulun ondo' makasala, maa' raginio makaliman ilo ra inukum ilo ri Aki Kapuuno' sabap ra kasalaan nilo.

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 108:4

Iou Tuhan, mongompor aku Rirun mangkilolot ra bansa'-bansa'. Mongompor aku Rirun mangkilolot ra ngaangai' ulun.

MAZMUR 109:14

Polosoon noyo Tuhan mangkara' ra kalaatan ru kinamatuaan nilo, am kalo mangampun ra tula ru ina' nano.

MAZMUR 145:8

Tuhan no motogom am makaasi', moorot no sangit Nano am natikop ra togom.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

JIRIMIA 23:2

Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

SULABOI 5:7

Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

UNTABAN 14:17

Ginio ra, iou Tuhan, raino makitaak Aku, pakitono' noyo kuasa' Muno am baalo' noyo atan ondo' binantu' Muno paat ra Okou mindagu,

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

SAGULION 5:9

Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

SAGULION 7:10

kaa' kalo pagantangan Io mangukum ra ulun ondo' masisang Riso.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,