UNTABAN 14:16 - Tanou Moonsoi Timugon

¹⁶ ra namatoi Kou ra ulun Muno giu' ra tana' kaagisan sabap ra kalo maalap Mu kaibit ilo ra tana' ondo' binantu' Mu noyo risilo.

UNTABAN 14:16 ပူးပေါင်းရင်းမြစ်များ

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

UNTABAN 14:17

Ginio ra, iou Tuhan, raino makitaak Aku, pakitono' noyo kuasa' Muno am baalo' noyo atan ondo' binantu' Muno paat ra Okou mindagu,

SAGULION 9:28

Amon mamuso Kou risilo, mindagu ulun ru Misir ra kalo masaga' Kou magibit ra ulun Muno mongoi ra tana' ondo' binantu' Muno risilo. Mindagu ilo ra magibit Kou ra ulun Muno mingkual intor ra tana' kaagisan koson mamatoi risilo, sabap masisang Kou risilo.

JOSUA 7:7

Indagu i Josua, “Iou Tuhan Raja', kua kia pagibit Kou ramon lumaup ra Sungoi Jordan? Masaga' Kou kia mapataak ramon ra ulun ru Amori maa' raginio pusoon nilo? Kua pai' Mu polosoon akai mayan ayuk giu' ra sandaup ru sungoi no?

JOSUA 7:9

Ulun ru Kanaan am ngaangai' ulun ra pagun ti mokorongog ra baal raginio. Inawangan nilo akai am namatoi ramon ngai'! Atan kia boo ondo' baalon Muno koson magalung ra kaurumatan Muno?”