UNTABAN 14:14 - Tanou Moonsoi Timugon

¹⁴ mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 14:14 ပူးပေါင်းရင်းမြစ်များ

KASAUKAN 32:30

Indagu i Jakub, kono, “Nakauma' aku noyo ri Aki Kapuuno', am maayag aku poyo.” Ginio ra inggalani' ri Jakub intok raginio Piniil.

NIGIMIA 9:12

Naningganai Kou risilo ra lugu' ru gaun paat ra matawang, Sinilau Mu ralan nilo ra lugu' ru apui paat ra molondom.

NIGIMIA 9:19

Kaa' kalo nangiruan Kou risilo giu' ra tana' kaagisan, sabap ra asi' Muno maayo kaga'! Kalo inalap Mu saguli' lugu' ru gaun kapoam lugu' ru apui ondo' nanulu' risilo ra ralan ra matawang am molondom.

MAZMUR 105:39

Biningkal ri Aki Kapuuno' gaun koson manindung ra ulun Nano, am nangani' ra apui koson maninda bulintok molondom.

MAZMUR 78:14

Bulintok matawang tingganayon No ilo ra gaun, am bulintok molondom tingganayon No ilo ra simbula' ru apui.

KAINGKUALAN 15:14

Bansa'-bansa' ondo' mangining raginio monontol ra laa', ulun ru Palistin pinaliman ra monontol.

KAINGKUALAN 33:11

Mindagu Tuhan ri Musa ra makapangkito ra bulos, koson ra sasangulun mindagu ra rangan nano. Sumaguli' boo i Musa ra pangkiman, kaa' i Josua anak ri Nun, buayoi ondo' mangindangan ri Musa, soroi ra Kim ru Tuhan.

KAINGKUALAN 33:16

Ati kulaan ulun bokon makapandai ra maansayan Kou ra ulun Muno am aku, amon ru kalo maya' Kou ramon? Saang Muno ra tatanga' mai mapasusuai ramon intor ra bansa' bokon ra tana' ti.”

KAINGKUALAN 40:38

Buoi ru ulun ru Israil timinanggau, makito nilo gaun ru Tuhan rasawat ru Kim no ra matawang ti, am bibilak apui ralalom ru gaun no ra rondom ti.

UNTABAN 10:34

Pogonong ra ilo mugar intor ra intok pangkiman, gaun ru Tuhan magail soroi giu' ra rasawat nilo paat ra matawang.

UNTABAN 12:8

Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

SAGULION 1:19

“Binaal takau susuban ru Tuhan i Aki Kapuuno' takau. Nangiruan takau ra Gunung Sinai, am minugar nansail ra tana' kaagisan ondo' malangka' am makalalaa', am niayuk sumaboi ra intok kabuluran ru pagun ru ulun ru Amori. Paat itakau nakasaboi giu' ra Kadis-Barnia,

SAGULION 34:10

Intor raginio, kolondo' nabi koson ri Musa giu' ra Israil; minindagu Tuhan ri Musa ra nampakito ra bulos.

SAGULION 5:24

am indagu, ‘Tuhan i Aki Kapuuno' takau nambala' ra kinaayo am katulayan Nano paat morongog takau ragu Nano intor ra apui no. Paat ra orou raiti' nakakito akai ra sasangulun magulayun maayag kabalu' pana minindagu noyo i Aki Kapuuno' riso.

SAGULION 5:4

Giu' rasawat ru gunung no, intor ralalom ru apui, minindagu Tuhan rayus ramuyun.

JOSUA 5:1

Ngaangai' raja' ru ulun ru Amori tampilon ra kalasaan ru Sungoi Jordan am ngaangai' raja' ru ulun ru Kanaan ra sisil ru nagas Raat Tanga' nokorongog ra kinapua' ru Tuhan Sungoi Jordan saboi ulun ru Israil nakalaup. Raja'-raja' no nalaa' am malawo guang sabap ra ulun ru Israil.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.