UNTABAN 14:10 - Tanou Moonsoi Timugon

¹⁰ Ngaangai' ulun ru Israil mopololob koson momobol ri Josua am i Kalib saboi matoi, kaa' pulali' ru ulun no nakakito ra sinda katulayan ru Tuhan siminalula' ra rasawat ru Kim Nano.

UNTABAN 14:10 ပူးပေါင်းရင်းမြစ်များ

KAINGKUALAN 16:10

Tatanga' i Arun mindagu risilo ngaangai', ponontong ilo tampilon ra tana' kaagisan, am pulusat ru sinda katulayan ru Tuhan makito ralalom ru gaun.

KAINGKUALAN 16:7

Tampilon ra susuab ti makakito kau ra sinda ru katulayan ru Tuhan. Naining No noyo butok min Riso; iou, Riso, sabap ra mapaugar akai ayuk ra susuban Nano.”

KAINGKUALAN 17:4

Pakiasi' toojo i Musa ra Tuhan am indagu, “Atan boo musiti' kuno baalon ra ulun ragitilo? Masaga' ilo mombobol raki'.”

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

IMAMAT 9:23

Umpos i Musa am i Arun ralalom Kim ru Tuhan. Paat ra ilo miningkual, pambarakat ilo ra ulun raginio am sinda ratangan ru Tuhan makito ra moonong ulun.

UNTABAN 16:19

Timungo' boo ri Kora ngaangai' ulun, am bigor ilo timiningkuang ri Musa am i Arun giu' ra kulobon ru Kim ru Tuhan. Pulali' ru sinda katulayan ru Tuhan nakito ru ngaangai' ulun.

UNTABAN 16:42

Pakatimung ilo ngaangai' koson manggal ri Musa am i Arun, ponontong ilo tampilon ra Kim ru Tuhan am nakakito ra gaun nanili ra Kim no, am sinda katulayan ru Tuhan pana makito.

UNTABAN 17:7

Kopongo raginio pinabanta' ri Musa ngaangai' jujuga' no giu' ralalom Kim ru Tuhan, giu' ra saang ru Kaban Nabantuan.

UNTABAN 20:6

Mininggalur i Musa am i Arun ra ulun no, am bigor ra kulobon ru Kim ru Tuhan. Kubu ilo, am sinda katulayan ru Tuhan pana simininda risilo.

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.