UNTABAN 13:33 - Tanou Moonsoi Timugon

³³ am nakakito akai ra maayo ulun, papag ri Inak ra giu'. Malimanan mai ra boborok koson ra gapu' am maaru' ginio noyo pangkaraan nilo ramon.”

UNTABAN 13:33 ပူးပေါင်းရင်းမြစ်များ

KASAUKAN 6:4

Paat ragili am niayuk kalupus paat ragili, makaulun mangaayo am mangapanggol. Papag ilo ru ralaa ru ulun ondo' natagandu' ra ulun ru tana' ti. Ulun-ulun raginio noyo tutumula' mapanggol ondo' nangauligan kaga' paat ra galing i.

1 TUNUNG RU BANSA' ISRAIL 11:23

Io niayuk namatoi ra sangulun Misir ondo' makainan ra maayo; ulun no ra sawat nasailan ruo ngamito, am nantutura' ra makalu kaga'. Binulunsar ri Binaya ulun ru Misir no ra lalamba', nampagaau ra tutura' intor ra kalindu' ru ulun no, am namatoi riso ra tutura' no.

JISAYA 40:22

Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

UNTABAN 13:28

Kaa' mamagun ru tana' no maikang toojo; bandar nilono mangaayo toojo am makatimbok. Mulu' poyo, nakito mai papag ru maayo ulun ra giu' no.

UNTABAN 14:1

Nosorondom ulun ru Israil nantatangi' sabap ra magalabo.

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

SAGULION 2:10

Galing i ulun ru Imim, rondo' bansa' ru maayo ulun, minayan giu' ra Ar. Masawat ilo koson ra ulun ru Inak ondo' niayuk bansa' ru maayo ulun.

SAGULION 3:11

Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

SAGULION 9:2

Ulun ra giu' mangasawat am mangaikang; ilo no maayo ulun, am norongog min noyo ra kolondo' sangulun pana makagula' risilo.

JOSUA 11:21

Paat raginio namuso i Josua ra bansa' ru maayo ulun ondo' sabiton ra Inak, ondo' minayan giu' ra libung kabuluran – giu' ra Gibron, Dibir, Anab am giu' ra ngaangai' kabuluran ru Jiuda am Israil. Namatoi i Josua risilo ngaangai' am napalunsai ra bandar-bandar nilo.

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

JOSUA 15:14

Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

1 SAMUIL 17:24

Pakakito saujor-saujor ru Israil ri Goliat, nagigiru' ilo ra nalaa'.

1 SAMUIL 17:42

kaa' paat ra io nakakito ri Daut am inimansaan no, nakakurit i Goliat ra magasab sabap ra lakat poyo kaga' mamulok i Daut am maindon.