UNTABAN 13:31 - Tanou Moonsoi Timugon

³¹ Kaa' indagu ulun ra bokon ondo' liminiput ra tana' no nababaya' ri Kalib, “Kalo, kalo sama' ikang takau koson mamulunsar risilo. Mamagun no maikang poyo ka itakau.”

UNTABAN 13:31 ပူးပေါင်းရင်းမြစ်များ

UNTABAN 13:30

Napalinos i Kalib ra guang ru ulun ondo' mambutok ri Musa, am indagu, “Musiti' takau bulunsaron am gaawon tana' no raino niayuk. Sama' ikang takau koson mapakala raginio.”

UNTABAN 32:7

Kua kinalawo min guang ru ulun ru Israil koson sumandaup ra Sungoi Jordan am mongoi ra tana' ondo' pataakon ru Tuhan risilo?

UNTABAN 32:9

Minongoi ilo saboi ra Limayak Iskol am nakakito ra tana' no. Kaa' pakasaguli' ilo, kinalawo nilo guang ru ulun ru Israil, saboi malaa' ulun ru Israil mongoi ra tana' ondo' pinataak ru Tuhan risilo.

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

SAGULION 9:1

“Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

IBRANI 3:19

Intor raginio maratian takau ra ilo ti kalo noyo nakasubol ra pagun, sabap ra kalo nangintopot ilo ri Aki Kapuuno'.

JOSUA 14:8

kaa' ulun ra bokon ondo' nansigo nabaya' raki' nangilaa' ra ulun ru Israil. Kaa' giminagaya' aku ra Tuhan i Aki Kapuuno' kuno.

1 SAMUIL 17:33

Taam Raja' Saul, “Pai'. Ati kulaan kou makagula' riso? Okou ti mamulok ayuk poyo kaga', am io no naindalom noyo mangayou intor ra io mamulok.”