UNTABAN 13:27 - Tanou Moonsoi Timugon

²⁷ Indagu ilo ri Musa, “Liniput mai noyo tana' no am nakakito ra langkaya' am malabung tana' no; gitio noyo sanganu ra kikinawa' intor ra giu'.

UNTABAN 13:27 ပူးပေါင်းရင်းမြစ်များ

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

KAINGKUALAN 13:5

Nampator Tuhan ra kinamatuaan mini koson mangani' ramuyun ra tana' ru ulun ru Kanaan, Git, Amori, Giwi am Jibusi. Tana' ti moonsoi am malabung. Maibit kau ru Tuhan ra tana' raginio, musiti' kau mangiantak ra pangiantakan ti moonong bilor, paat ra bulan ra kasaa'.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 33:3

Mongoi kau ra tana' ondo' langkaya' am malabung. Kaa' Aku galama' kalo mongoi mabaya' ramuyun, maa' raginio kalo pusoon Takamin ra tanga' ru ralan, sabap ra ulun bambalingatan kau.”

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”

JIRIMIA 32:22

Nangani' Kou ra pagun ondo' moonsoi am malabung ti risilo, koson ra ondo' binantu' Mu noyo ra kinamatuaan nilo.

YEHEZKIEL 20:15

Ginio ra giu' ra tana' kaagisan no binantu' Ku kalo mangiou risilo mongoi ra tana' ondo' tinaakan Ku noyo risilo, tana' ondo' langkaya' am malabung am moonsoi kaga'.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

IMAMAT 20:24

Kaa' binantu' Ku noyo ra manaak ramuyun ra pagun ondo' langkaya' am malabung no. Masauk pagun no longgom min. Aku noyo Tuhan i Aki Kapuuno' min ondo' napatuliar ramuyun intor ra bansa'-bansa' ra bokon.

UNTABAN 14:7

Indagu ilo ra ulun no, “Tana' ondo' liniput mai no moonsoi toojo.

UNTABAN 14:8

Amon ru mangiou Tuhan ritakau, magibit Io ritakau mongoi ra giu' am manaak ritakau ra tana' ondo' langkaya' am malabung no.

UNTABAN 16:13

“Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 16:14

Napandayan noyo ra kalo magibit kou ramon mongoi ra tana' ondo' malabung, kapoam manaak ramon ra umo am umo ru anggur koson ra longgom mai. Raino masaga' kou mamparuung poyo ramon. Kalo masaga' akai matong!”

SAGULION 11:9

Maayag kau ra mabuoi giu' ra tana' ondo' langkaya' am malabung, ondo' binantu' noyo ru Tuhan ra kinamatuaan min am papag min.

SAGULION 26:9

Nagibit io ramon ragiti am nanaak ramon ra tana' ondo' langkaya' am malabung ti.

SAGULION 27:3

Tulisi' noyo ngaangai' ukum ti ra batu-batu raginio. Paat ra akau makasaboi giu' ra tana' ondo' langkaya' am malabung ondo' binantu' ru Tuhan i Aki Kapuuno' min ra kinamatuaan min,

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.