UNTABAN 13:20 - Tanou Moonsoi Timugon

²⁰ Intutuno' toojo tana' no ru malabung kapoam kalo, am ondo' lair ru masuang tataun ra giu' no kapoam kalo. Musiti' kau baani, am ibito' muli' kikinawa' intor ra tana' raginio.” Paat raginio, tumalimpuun noyo bulintok ru anggur.

UNTABAN 13:20 ပူးပေါင်းရင်းမြစ်များ

1 TUNUNG RU BANSA' ISRAIL 22:11

Kon poyo ru Raja' Daut, “Ginio ra, okou anak kuno, gama' ru Tuhan, i Aki Kapuuno' muno masalok mabaya' rirun. Gama' ru makasugut kou mambaal ra baloi ru Tuhan koson ondo' binantu' Nano.

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

NIGIMIA 9:35

Mabaya' ra barakat Muno raja'-raja' namarinta ra ulun Muno, paat ra ilo minayan giu' ra pagun ondo' malangka' am malabung, tana' tinaakan Muno. Kabalu' pana raginio kalo nangiruan ilo ra tula, marara' ilo mangandoi ayuk Rirun.

YEHEZKIEL 34:14

Polosoon Ku ilo mongkotop ra maansukan giu' ra padang masansam. Mangiou Aku risilo mangakan giu' ra padang sakot giu' ra gunung, giu' ra limayak, am giu' ra padang sakot ondo' masansam giu' ra Israil.

DANIL 11:24

Mamulunsar io ra rondo' wilayah ondo' langkaya' am malabung ra kalo mangani' ra pampakaraan am mambaal ra baal-baal ondo' kalo igondo' binaal ru kinamatuaan nano. Ra maamaya'-maamaya' nano boo tayarin no ra kuliamos ginaau am kalangkayaan ondo' noowot no ralalom ru pangayawan. Nambaal io ra inatangan koson mamulunsar ra bandar-bandar ondo' mokoondo' ra kubu, kaa' mataki' maampus jam no.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

UNTABAN 13:19

Intutuno' toojo tana' no ru moonsoi kapoam kalo, am ondo' lair ru minayan mamagun no giu' ra pekan-pekan ondo' naukab kapoam giu' ra bandar-bandar ondo' makatimbok.

SAGULION 1:24

Minongoi ilo ra intok kabuluran saboi ra Limayak Iskol, am liminiput ra intok no.

SAGULION 1:25

Nagibit ilo minuli' kikinawa' ritakau, am nambala' ra tana' ondo' pataakon ritakau ru Tuhan i Aki Kapuuno' takano malabung kaga'.

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:3

Raja' no pana nanusub ra ulun mambala' ri Ragab, “Ulun giu' ra baloi muno matong koson mansigo ra titikop pagun ti. Ibito' ilo mingkual!”