UNTABAN 12:8 - Tanou Moonsoi Timugon

⁸ Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

UNTABAN 12:8 ပူးပေါင်းရင်းမြစ်များ

KASAUKAN 32:30

Indagu i Jakub, kono, “Nakauma' aku noyo ri Aki Kapuuno', am maayag aku poyo.” Ginio ra inggalani' ri Jakub intok raginio Piniil.

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

MAZMUR 49:4

Mapasaboi aku ra ragu-ragu kapintaran, pangkaraan kuno nototop ra pangaratian.

KAINGKUALAN 19:19

Bolos ru bujung sumongou poyo. Mindagu i Musa ri Aki Kapuuno' am tumaam Io ra tingkalur.

KAINGKUALAN 20:4

“Pai' baalo' sinungkalalaing ra tayar min, sinungkalalaing ondo' sumalu ra atan pana ondo' soroi ra limbowon, ra tana' ti kapoam ralalom ru timug ragana' ru tana' ti.

KAINGKUALAN 33:11

Mindagu Tuhan ri Musa ra makapangkito ra bulos, koson ra sasangulun mindagu ra rangan nano. Sumaguli' boo i Musa ra pangkiman, kaa' i Josua anak ri Nun, buayoi ondo' mangindangan ri Musa, soroi ra Kim ru Tuhan.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

KAINGKUALAN 33:23

Kakaton Ku longon Kuno am makito mu bakulung Kuno, kaa' kalo makito bulos Kuno.”

KAINGKUALAN 34:30

Nakito ri Arun am ngaangai' ulun ra makasinda bulos ri Musa. Ginio ra malaa' ilo minggaar ri Musa,

AMSAL 1:6

Baal raginio maratian nilo ondo' nakasibuni arati' no ralalom ru amsal am aration nilo ragu-ragu ru ulun mapintar am niayuk sundait ondo' pasalulaan nilo.

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 46:5

“Osoi kia pogondoon min Raki'? Mokoondo' kia osoi mokogondo' Raki'?

YEHEZKIEL 17:2

“Okou ulun mapandai matoi, posoboyo' abig ti ra ulun ru Israil,

YEHEZKIEL 20:49

Kaa' aku, i Yehezkiel mindagu, “Tuhan Raja', pai' aku jajali' mindagu raginio. Moonong ulun nambutok noyo sabap ra masalok aku mindagu am magabig ondo' mapagon aration.”

GOSIA 12:13

Kinamatuaan takau, i Jakub, nagiru' ayuk kalalaat giu' ra pagun Misopotamia. Giu' no nangandoi io ra ulun bokon koson magagalung ra domba koson mokoowot ra andu'.

UNTABAN 14:14

mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 7:89

Paat ri Musa mumpos ra ralalom Kim ru Tuhan koson mindagu ra Tuhan, morongog no Tuhan mindagu riso intor rasawat ru taub ru Kaban Nabantuan, pangkilolot ru ruo patung kirub.

MATIUS 13:35

Baalon ri Jisus koson raginio maa' raginio masauk boo ragu ru nabi Jisaya, “Magabig Aku paat ra Aku mangila' risilo; Mambala' Aku risilo ra sauk ondo' kalo napandayan ru ulun intor ra tana' ti binaal.”

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

SAGULION 18:15

Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.

SAGULION 34:10

Intor raginio, kolondo' nabi koson ri Musa giu' ra Israil; minindagu Tuhan ri Musa ra nampakito ra bulos.

SAGULION 4:15

“Paat ra Tuhan minindagu ramuyun intor ralalom ru apui giu' ra Gunung Sinai, kalo nakakito kau ra atan baal pana. Ginio ra, tutuno' noyo maa' raginio

SAGULION 5:8

‘Pai' pambaal ra sinungkalalaing tayar rirun, sinungkalalaing ondo' salu ru atan pana ondo' soroi giu' ra limbowon, giti ra tana' ti, kapoam giu' ralalom ru timug ra ragana' ru tana' ti.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

JUDAS 1:8

Mogondo' niayuk ra mangingila' ra mangaabau-abau ondo' mokoondo' rokoon ra papaintalangan saboi mangkinibit risilo ra baal makauyuyu' raginio. Talaingon nilo kuasa' ri Aki Kapuuno' am poyo asabin nilo ondo' mangatulai giu' ra suruga'.