UNTABAN 12:2 - Tanou Moonsoi Timugon

² Konilo, “Mindagu Tuhan pinabala' galing ri Musa ayuk kia? Kalo kia mindagu Tuhan no pinabala' galing rito niayuk?” Naining ru Tuhan ragu nilono.

UNTABAN 12:2 ပူးပေါင်းရင်းမြစ်များ

KASAUKAN 29:33

Kaapang poyo i Liya am paganak sangulun anak ungkuyon. Kono, “Pinataak poyo ru Tuhan no anak ragitio sabap norongog No ra kalo tagamin aku toojo.” Inggalani' no boo anak raginio i Simion.

2 SAMUIL 11:27

Kopongo panguliran, pinoongoi ru Raja' Daut i Batsyiba ra istana, am nasauk io ra andu' ru Raja' Daut. Kukula' ngansila' raginio, naganak i Batsyiba ra sangulun anak ungkuyon, kaa' kalo maansukan Tuhan ra atan ondo' binaal noyo ru Raja' Daut.

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

KAINGKUALAN 4:14

Sangit boo Tuhan ri Musa am indagu, “Ati kulaan nua' ru pagaka' muno i Arun, ulun ru Liwi no? Nakapandai Aku ra matanda' io mindagu. Sotopot no, tatanga' io mangkiralan mongoi ragiti, am maansukan io muma' rirun.

KAINGKUALAN 4:30

Pambala' i Arun risilo ra ngaangai' baal kaimuagan ondo' pinabala' ru Tuhan ri Musa, am mambaal i Musa ra kaimuagan ra saang ru ngaangai' ulun no.

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

KAINGKUALAN 7:10

Ginio ra ongoi i Musa am i Arun tuum ra raja' am pambaal ra kaimuagan koson ra nanusuban ru Tuhan. Papatiro' ri Arun jujuga' nano ra saang ru raja' am pagawai nano, am nakulau boo jujuga' no nasauk ra kukuo.

AMSAL 13:10

Limbau magibit ra kapaganan; ulun mapintar mangapu ra pangilaan.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

UNTABAN 11:1

Paat ra sangarawan tumalimpuun ulun ru Israil mambutok ra Tuhan intor ra kapaganan nilo. Pokorongog Tuhan ra butok nilono, siminangit Io am naparatong ra apui risilo. Riminalat apui no ra tatanga' nilono am nonolob ra santayaran ra pangkiman.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”