UNTABAN 11:5 - Tanou Moonsoi Timugon

⁵ Giu' ra Misir makaakan takau ra papait ra masuang maya' ra kasagaan takau ra kalo mambayar ra atan-atan. Lakat poyo mangkara' takau ra baliburan, sangop, kusai, ambawang malia' am ambawang mapulak ra giu' i.

UNTABAN 11:5 ပူးပေါင်းရင်းမြစ်များ

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

KAINGKUALAN 16:3

Konilo ri Musa am i Arun, “Moonsoi poyo ru minatoi akai pinatoi ru Tuhan giu' ra Misir. Maa' giu' no ra makaturung akai, am niayuk mangakan ra kual, am kula' pana suang ru akanon gogoton mai. Kaa' nagibit kou ramon mongoi ra tana' kaagisan ti maa' raginio ngaangai' akai matoi ra bitilan.”

JISAYA 1:8

Jirusalim ayuk natatang. Bandar no pana linibungan am kolondo' lulu' koson ra sulap nakapagayantanga' ra umo ru anggur kapoam pantau ra umo ru baliburan.

JIRIMIA 44:18

Kaa' intor ra akai liminonggo' mampataak ra taak simbalui ra Raja' Ruandu' ru Suruga', am liminonggo' mampataak ra wain riso, naawayan akai ra ngaangai' no, am bansa' mai minatoi ralalom ru pangayawan am sabap ra bitilan.”

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.