UNTABAN 11:25 - Tanou Moonsoi Timugon

²⁵ Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 11:25 ပူးပေါင်းရင်းမြစ်များ

2 RAJA'-RAJA' 2:15

Limo ngoopor ngaulun nabi intor ra Jiriko no nakakito ri Ilisa am indagu, “Kuasa' ri Ilia soroi ri Ilisa!” Inggaar ilo riso, am kubu samba ra saang nano,

NIGIMIA 9:20

Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

MAZMUR 99:7

Intor ra lugu' ru gaun, mindagu Io risilo, gumagaya' ilo ra ukum am panusuban ondo' pataakon Nano.

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

KAINGKUALAN 34:5

Tuun Tuhan ralalom ru gaun; bigor Io am i Musa ra intok raginio am nanabit ra inggalan Nano ondo' matulai, iono Tuhan.

KAINGKUALAN 40:38

Buoi ru ulun ru Israil timinanggau, makito nilo gaun ru Tuhan rasawat ru Kim no ra matawang ti, am bibilak apui ralalom ru gaun no ra rondom ti.

JISAYA 63:11

Kaa' ilo pana nakakara' bulintok ra galing i, ioginio paat ri Musa, ulipon ru Tuhan. Ilo pana nangkuot, “Ati kia Tuhan, ondo' nangaak ra ulun am tingganai-tingganai nilono maya' ra raat? Ati kia Tuhan ondo' nanaak ra kuasa' Nano risilo?

YEHEZKIEL 8:11

Tulu' ngoopor ngaulun tingganai ru Israil soroi ra giu', nakaaya' i Jaajanya anak ri Sapan. Moonong ulun nampaguut ra rondo' pambulian ra baa ondo' malisun kaga'.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 12:5

am tuun boo Tuhan ralalom lugu' ru gaun am bigor giu' ra kulobon ru Kim ru Tuhan, am pampiau, “Arun! Miriam!” Jalai ilo karuo-ruo,

UNTABAN 16:25

Kopongo raginio i Musa, binaya' ru tingganai-tingganai ru Israil, minongoi ra intok ri Datan am i Abiram.

UNTABAN 24:2

am nakakito ra ulun ru Israil nangkim ralalom pulalai sumugut ra bansa' ru sigagama'. Kinuasa' i Biliam ru Ambiluo ri Aki Kapuuno',

UNTABAN 27:18

Indagu Tuhan ri Musa, “Piawo' noyo i Josua anak ri Nun. Io sangulun matanda'. Pabantaa' kalindu' muno ra rasawat ru ulu nano.

RINALATAN 11:28

Sangulun intor risilo i makainggalan ri Agabus. Bigor io am mansail ra kuasa' ru Ambiluo ri Aki Kapuuno' nanala' io ra matong rondo' bitilan maaja' ra titikop ru tana' ti. (Bitilan ragitio nasauk niayuk paat ri Kaisar Klaudius namarinta.)

1 KORINTUS 14:32

Kapandayan intor ra Ambiluo ri Aki Kapuuno' mampasaboi ra bala' intor ri Aki Kapuuno', musiti' makuasa' ru ulun ondo' inanian.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

TINGGANAI RU BANSA' 3:10

Kinuasa' i Otniil ru Ambiluo ru Tuhan, am nasauk io ra tingganai ru ulun ru Israil. Minongoi i Otniil pangayou, am nanaak Tuhan riso ra kamanangan ra raja' Misopotamia.

1 SAMUIL 10:10

Paat ri Saul am ulipon nano nakasaboi giu' ra Gibia, tinuum i Saul ru sampulalai nabi. Paat raginio niayuk Ambiluo ri Aki Kapuuno' no nanguasa' ri Saul, am minaya' io ra nabi-nabi no saliligo' am sogogolok.