UNTABAN 11:20 - Tanou Moonsoi Timugon

²⁰ kaa' buoi sansila', saboi marualan kau am lua'-lua' sabap ra kual no. Baal raginio masauk sabap nangimpai kau ra Tuhan ondo' soroi ra tatanga' mino. Nambutok kau niayuk Riso ra minindagu ra akau kalo musiti' nangiruan ra Misir.’ ”

UNTABAN 11:20 ပူးပေါင်းရင်းမြစ်များ

2 SAMUIL 12:10

Ginio sabap ra okou kalo gumagaya' Raki' am namundus kou ra andu' ri Uria, ginio ra ralalom ru moonong ra papag muno mokoondo' matoi ra potoyon.

MAZMUR 106:15

ginio ra pataakon No atan kitaakon nilono, kaa' lugu malaat makatiu' risilo.

KAINGKUALAN 16:13

Tampilon ra mai' ti, masuang kaga' tantarau matong ra nangkiman nilo saboi natikop ngaangai' nangkiman. Tampilon ra susuab ti, mokobolobou boo ra liput ru nangkiman.

KAINGKUALAN 16:3

Konilo ri Musa am i Arun, “Moonsoi poyo ru minatoi akai pinatoi ru Tuhan giu' ra Misir. Maa' giu' no ra makaturung akai, am niayuk mangakan ra kual, am kula' pana suang ru akanon gogoton mai. Kaa' nagibit kou ramon mongoi ra tana' kaagisan ti maa' raginio ngaangai' akai matoi ra bitilan.”

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

AMSAL 27:7

Amon ru maasug, ruu' ru maningot pana kararain; amon ru maitilan, mapait pana maamis ayuk pamalimanan.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

UNTABAN 11:13

Ati kia paguyuman ku ra kual ondo' maukop ra ngaangai' ulun ti? Ilai' noyo, gino ayuk ilo mambutok am makitaak ra kual.

UNTABAN 11:19

Musiti' kau mangakan raginio sala' ka buoi rondo' kapoam ruo ngoorou, kapoam limo, kapoam mopor, kapoam ruo ngoopor ngoorou,

UNTABAN 11:21

Indagu i Musa ra Tuhan, “Raino maningganai aku ra 600,000 ngaulun. Ati kulaan Okou makaindagu ra manaak Kou risilo ra kual ondo' maukop buoi sansila'?

UNTABAN 14:3

Kua kasaga' Tuhan magibit ramon giu' ra tana' no? Matoi akai ra pangayawan, am rokopon andu' anak mai. Kalo kia moonsoi poyo ru sumaguli' akai ra Misir?”

UNTABAN 14:4

Ginio ra indagu ilo ra rondo' am bokon, “Ibok pilio' takau sangulun tingganai, am sumaguli' boo ra Misir!”

UNTABAN 16:13

“Kalo poyo kia sama' ra okou nagibit ramon miningkual intor ra Misir, tana' ondo' malabung no, koson mamatoi ramon ra tana' kaagisan ti? Musiti' kia ru mamarinta kou ramon niayuk?

UNTABAN 20:4

Kua ibito' min akai mongoi ra tana' kaagisan ti? Masaga' kau kia ra matoi akai ragiti mababaya' ra bibiag tinambiag mai?

UNTABAN 21:5

am nambubutok ri Aki Kapuuno' am ri Musa. Konilo, “Kua kia ibito' mu akai miningkual intor ra Misir koson matoi ra tana' kaagisan ti? Giti kolondo' akanon kapoam timug. Najala' akai ra akanon ondo' mapalo ti!”

RINALATAN 13:41

‘Ilai' min, ulun magagasab! Pangimuag am kapuso kau! Sabap ra raino ti mokoondo' saukon Kuno poyo ondo' kalo lair intopoton min, ra kabalu' pana mokoondo' noyo ulun mambala' ramuyun.’ ”

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

JOSUA 24:27

Indagu i Josua ra ngaangai' ulun no, “Batu ti sasi' takau. Batu ti nokorongog noyo ra ngaangai' ragu ru Tuhan ritakau. Ginio ra nasauk batu ti ra sasi' min koson mampakara' ramuyun maa' raginio kalo manggal ri Aki Kapuuno' min.”

1 SAMUIL 10:19

Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.