UNTABAN 10:29 - Tanou Moonsoi Timugon

²⁹ Indagu i Musa ra lango' nano i Gobab anak ri Jitro, ulun ru Midian no, “Mugar akai mongoi ra intok ondo' kon ru Tuhan paat Io minindagu ra manaak raginio ramon. Nambantu' Io noyo ra baal ondo' moonsoi ra ulun ru Israil. Ginio ra baya' ramon am moonsoi akai rirun.”

UNTABAN 10:29 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 32:12

Karaa' ra binantu' Mu noyo ra tandaan Mu raki' ngaangai' am manaak Kou raki' ra masuang papag saboi kalo mauntob ru sangulun pana sabap ra suang no koson ra agis giu' ra nagas ru raat.”

MAZMUR 100:1

Mazmur paringkuanangan. Rimbayi' noyo Tuhan, akau namagun ra tana' ti!

MAZMUR 34:8

Malaikat ru Tuhan mantamung ra ulun ondo' mangurumat Riso, am mamayag risilo intor ra makalalaa'.

MAZMUR 95:1

Omporo' takau noyo Tuhan, am marimbai ra maansukan ri Aki Kapuuno', manindung am mamamayag ritakau!

KAINGKUALAN 18:1

I Jitro, iwan ri Musa, imam giu' ra Midian, nakaining ra ngaangai' ondo' binaal ri Aki Kapuuno' tayar ri Musa am ulun ru Israil no paat ra Tuhan nagibit risilo miningkual intor ra Misir.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

KAINGKUALAN 18:27

Indagu boo i Musa ra tumoojo ri Jitro, am uli' boo i Jitro ra pagun nano.

KAINGKUALAN 2:18

Pakauli' ralaa-ralaa no, pangkuot ama' nilo, “Kua mataki' kaga' akau minuli' orou raiti'?”

KAINGKUALAN 2:21

Nangiou boo i Musa mayan ra giu' no. Paganduo' ri Jitro anak ruandu' nano, i Jipora ri Musa.

KAINGKUALAN 3:1

Paat ragili nagalung i Musa ra domba am kambing ri Jitro iwan nano, imam giu' ra pagun ru Midian. Paat ra io magibit ra bibiag tinambiag no sumandaup ru tana' kaagisan, nakasaboi io ra Gunung Sinai, gunung ra matulai.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

UNTABAN 10:28

Ginio noyo lili' ru barisan ru ulun ru Israil paat ilo minugar, nansusunu' pulalai am pulalai.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

SAGULION 30:5

Ginio ra akau tatangan saguli' ra tana' ondo' inayanan ru kinamatuaan min ragili. Io mampasauk ramuyun ra langkaya' poyo am masuang kau poyo intor ra kinamatuaan min.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

TINGGANAI RU BANSA' 1:16

Papag ru iwan ra ungkuyon ri Musa, iono ulun ru Kini, minugar nababaya' ra bansa' ru Jiuda intor ra Jiriko, bandar ru puun kurma. Ilo pana minongoi ra tana' mapua' giu' ra tampilon rabugus ru Arad ra wilayah ru Jiuda. Minayan ilo ra giu' no ra gino ngai' ru ulun ru Amalik.

TINGGANAI RU BANSA' 4:11

Liliwa' raginio, i Gibir, ulun ru Kini ondo' namingkal ra kim nano mamaar ra Kidis, mamaar ra puun oak giu' ra Jaanaim. I Gibir iono papag ri Gobab, lango' ri Musa, kaa' siminuai i Gibir intor ra bansa' nano.

1 SAMUIL 15:6

Nangirim Raja' Saul ra ragu papakaraan ra ulun ru Kini, “Ugar kano am iruani' min ulun ru Amalik, maa' raginio kalo mapatoi kau mababaya' risilo. Ragili kinamatuaan mini moonsoi ra ulun ru Israil, paat ra ulun ru Israil minatong intor ra Misir.” Ulun ru Kini pana nangiruan boo ra intok raginio.